من 100 إلى 70 جنيه.. ضربة الحكومة لسوق الدواجن

الفترة الحالية اسعار الفراخ والدواجن في الأسواق متراجعة بشكل كبيير جدا عن الفترات اللي فاتت، ياتري اية السر في التراجع ده وهل اسعار الفراخ هترجع ترتفع تاني مع عودة تطبيق خطة تخفيف الاحمال

علي مدار الشهور اللي فاتت، اسعار الفراخ كانت عالية وبشكل كبير ووصل سعر الكيلو في بعض الاحيان لاكتر من 100 جنيه وكان التجار عندهم اكتر من حجة لارتفاع الأسعار مرة كانت بسبب ارتفاع اسعار الاعلاف، ومرة تانية بسبب ارتفاع تكاليف التشغيل بتاع المزراع ومرة ثالثة بسبب ارتفاع حرارة الجو ومرة رابعة بسبب قرار الحكومة بتخفيف الأحمال وقطع  عن مرزاع الفراخ واللي بسببها مات كميات كبيرة من الفراخ الصغيرة بسبب الحرارة، وكنا عايشين في حجة بعد التانية والأسعار كانت كل يوم في الطالع .
في خلال كام اسبوع فاتوا واسعار الفراخ نزلت وبشكل كبير ووصل سعر الكيلو حاليا من 70 الي 80 جنيه، وطبعا الكل بيسأل ايه سر التراجع الكبير ده في اسعار الفراخ وهل الاسعار هتفضل كده في الايام اللي جاية خصوصا أن مهلة تخفيف الاحمال اللي الحكومة كانت شغالة بيها من يوم 21 من شهر يوليو اللي فات قربت تنتهي، بسبب أن مجلس الورزاء حدد مدة تشغيل خطة وقف العمل بخطة تخفيف الأحمال في الفترة من 21 يوليو وحتي 15 سبتمبر الحالي، يعني فاضل اقل من اسبوع وترجع الكهرباء تقطع تاني، وبالتالي هتقطع كمان علي مزارع تربية الفراخ وهترجع حجج المربيين تاني علشان يرفعوا الأسعار .

طيب اية السر في انخفاض اسعار الفراخ في الاسواق في الايام اللي فاتت، واية المتوقع في الاسعار في الايام اللي جاية؟.
خبراء الغرف التجارية قالوا إن اغلب اسعار السلع في الاسواق تراجعت وبشكل كبير في الفترة اللي فاتت بسبب الاستقرار الموجود حاليا في الاقتصاد المصري خصوصا بعد الاجراءات الاقتصادية اللي قامت بيها الحكومة في شهر مارس اللي فات وتحرير سعر الصرف بشكل مرن والقرارات جت بعد كده لتحسن في الاقتصاد المصري.

الغرف التجارية كملوا كلامهم وقالو إن البائعين والتجار كانوا بيقوموا بزيادة هامش الربح خصوصا انهم كانوا عارفين بموعد صعود واستقرار الدولار، وده اللي كان مسبب ارتفاع الأسعار في الاسواق، وكان كل تاجر عايز يحقق أكبر قدر ممكن من الربح، ده غير القرارات اللي قامت بيها الدولة في قرارات الإفراج الجمركي عن الأسمدة ومدخلات الإنتاج واللي ساعد في زيادة المعروض بالأسواق، وده واحد من الحاجات اللي ساعدت على تراجع الأسعار.

الغرفة قالت برضوا، ان القرارات اللي اخذتها الدولة برضوا في الفترة الاخيرة وخصوصا في قطاع الزراعة حققت طفرة كبيرة جدا في قطاع الزراعة، وفي مساحات كبيرة دولوقتي الدولة بقت بتزرعها واللي ادت لزيادة المعروض من السلع الغذائية واللي ادي لتراجع الأسعار،ده غير القرارات والأجراءات اللي قامت بيها الدولة لتشجع الدولة الفلاح على الزراعة وده اللي ادي لتراجع الأسعار من 3 لـ 5% .