انهيار عملاق ألماني.. قصة سقوط فلوكس فاجن

عمرك تخيلت إنه يجي يوم وعملاق صناعة السيارات في العالم فولكس فاجن رمز الجمال والفخامة في عالم السيارات يقفل مصانعه.. اه دا حصل فعلا ومش هتتخيل السبب..

فولكس فاجن دي لو متعرفش زيها كده زي المرسيدس واللي ام دبليو وهي رمز من رموز عظمة المانيا الصناعية ورابع أكبر شركة سيارات في العالم بعد مرسيدس وبي ام دبليو وتويوتا  وكفاية نقولك إن فولكس فاجن كسبت 22 مليار دولار صافي السنة الي فاتت... وتقولي قفلت؟

الحقيقة الشركة فعلا قفلت بعض مصانعها ودا بسبب المنافسة الشديدة في سوق السيارات باوروبا وظهور عمالقة جديدة في الصناعة ودا اللي قاله الرئيس التنفيذي لمجموعة فولكس فاجن  وأكد إن الوضع في العلامة التجارية الرئيسية للشركة بقي "مثير للقلق"، ودا بعد أيام من خطط لخفض الانفاق وإغلاق محتمل لمصانعها في سوقها المحلية، وطبعا دا كان  سبب في حالة من الغضب بين الموظفين.

وقال المسؤول في مقال ليه بصحيفة بيلد  أن شراء المركبات في أوروبا أصبح أقل، في وقت بيدخل منافسون جدد من آسيا السوق وقال كمان إن صناعة السيارات الأوروبية تواجه تحديات غير مسبوقة وأن البيئة الاقتصادية تزداد سوءا  خاصةً في العلامة التجارية فولكس فاجن

وسبق وقررت إدارة شركة صناعة السيارات الألمانية فولكس فاجن خفض التكاليف، في وقت احتشد آلاف الموظفين للاحتجاج على إغلاق محتمل للمصانع، ودا طبعا عمل قلق كبير للحكومة الألمانية وهي بتشوف ركز من رموزها الصناعية بينهار.
العبرة من درس فلوكس فاجن وقبلها شركات ضخمة انهارت أن مفيش كبير في السوق وإن التسويق مهم جدا وكمان السعر عشان تعرف تبيع المنتج بتاعك والسوق مابيعرفش التاريخ لكن بيعرف إن بتقدم ايه النهاردة.