رغم الأرقام القياسية.. خبراء الدهب يكشفون أسباب تراجعه في الأسبوع الأخير

الدهب في شهر مارس اللي فات، كانت اسعاره في الطالع لكن اخر اسبوع من الشهر الأسعار رجعت تخفض تاني.. يا تري اية السبب في ده واسعار الذهب هتروح فين الفترة اللي جاية.. تابعونا للآخر وهتعرفوا التفاصيل 
 

كل المتابعين لسوق الذهب هيلاحظو ان اسعار الذهب في شهر مارس اللي فات كانت الأعلي علي مدار الشهور اللي فاتت كلها، ووصل معدل الزيادة في سعر الجرام عيار 21 والمعروف عنه أنه الأكثر مبيعا في الاسواق خصوصا الاسواق في الارياف والصعيد والمحافظات الي 100 جنية كاملة ودي زيادة كبيرة في اسعار الذهب خصوصا في ظل حالة الاستقرار اللي موجودة حاليا في مصر في سوق صرف العملات الأجنبية والدولار الأمريكي في البنوك الوطنية والبنك المركزي وتوافر السيولة اللازمة للتجار والمستوردين لشراء الاحتياجات اللازمة ليهم من الخارج .
مع كل الزيادة اللي حصلت دي في أسعار الدهب الا ان سعر الدهب من عيار 21 رجعت وانخفضت مرة تانية في الاسبوع الأخير من شهر أغسطس الجاري، وده اللي كشفته شعبة الذهب، وقالت أن اقبال المصريين علي المصايف والرحلات في فصول الصيف وقضاء اسبوع الأجازة في المناطق الساحلية والسياحية وقرب دخول المدارس اثر بشكل كبير علي الاقبال علي شراء المشغولات الدهبية.

وصفي واصف مستشار  شعبة الدهب باتحاد الصناعات ورئيس شعبة الدهب السابق بالغرفة التجارية، قال أن المعروف أن مبيعات الذهب بتتاثر بمواسم معينة منها موسم الدراسة والمصايف والرحلات خصوصا أن اهتمام الأسر بتتركز في الفترة دي علي شرا مستلزمات الدراسة وبعض الأسر بتركز علي السفر للمصايف، وده يينعكس على سوق الذهب وبيكون في حالة من الهدوء في الشراء والهدوء ده بيكون نتيجة طبيعية.

مستشار  شعبة الذهب باتحاد الصناعات ورئيس شعبة الذهب السابق بالغرفة التجارية كم كلامه وقال أن الدهب تأثر بصورة كبيرة بالحرب الروسية الأوكرانية واستمرار الصراعات بيدفع المعدن الأصفر إلى مستويات ٤٠٠٠ جنيه للجرام 21 الأكثر انتشارًا، وقال أنه في حالة حدوث وقف لإطلاق النار والتهدئة في الشرق الأوسط هيساهم في هدوء سعر الذهب، خصوصا أن الدول والأفراد بيلجوا لشراء الذهب لأنه ملاذ آمن وبعيد عن مخاطر الاستثمار .
ونادي نجيب سكرتير شعبة الذهب سابقا، قال إن مبيعات الذهب تأثرت في شهر أغسطس بسبب انشغال المواطنين الامتحانات والنتائج واللي طبعا كانت شغالة بال اغلب المواطنين وانصرفوا عن شراء الذهب وتفرغوا لمتابعة وتجهيز المصروفات الدراسية للمدارس والجامعات.

سكرتير شعبة الذهب السابق قال كمان أن شهر أغسطس اللي فات مكنش في افضل حال، وكان الشراء في أضيق الأحوال وكان متوقف علي شراء الهدايا أو شراء المشغولات الذهبية أو السبائك، وتوقع أن سوق البيع في المشغولات الذهبية يشهد انتعاشة في الايام اللي جاية مع انتظام موسم الدراسة وانتهاء مواسم الأجازات والمصايف ورجوع الناس لحياتها الطبيعية .