شيك وهيرحمك من المواصلات.. لو عاوز سكوتر كهربا روح بنك مصر

نفسك في مواصلة شيك وحضارية وتقضي مشاويرك وركنتها سهلة ومتخدش بنزين يبقي انت محتاج سكوتر كهربائي يسعفك في مشاويرك ويغنيك عن الزحمة والمواصلات العامة.. تعالي نقولك في الفيديو دا تعمل ايه عشان تشتري سكوتر من غير ماتدفع ولا مليم

السكوترات الكهربائية بقت هي الموضة دلوقتي بين الشباب والموظفين لانها وسيلة مريحة وممتعة في نفس الوقت وعشان كده البنوك بدأت تقدم خدمة التمويل للدارجات الكهربائية..
بنك مصر كان في مقدمة البنوك اللي قدمت قروض شراء الاسكوتر الكهربائي للشباب بإجراءات وشروط ميسرة تتناسب الجميع.

وبخصوص تفاصيل ومميزات قرض سكوتر من بنك مصر.. فلازم تعرف إن قرض سكوتر متاح للموظفين بتعهد جهة العمل بتحويل الراتب/ القسط الشهري / بشهادة إثبات الدخل.

كمان متاح لأصحاب المهن الحرة وأصحاب الأنشطة التجارية والصناعية، وبالنسبة لأصحاب الأوعية الادخارية من المصريين والأجانب فالقرض متوفر ليهم بردو.

ومن ميزة قرض الاسكوتر إنه بدون حظر بيع وبدون تأمين،
وكمان البنك بيمنح العميل وثيقة تأمين على الحياة مجانية طوال فترة عمر القرض، ودا غير إنك تقدر ترخص السكوتر باسم طرف تالت لكن بشروط محددة.

طيب إيه هي الشروط العامة للحصول على قرض سكوتر من بنك مصر.. هي عاملة شروط سهلة أولها إن الحد الأدنى لعمر المقترض يكون 21 عاما.. و الحد الأقصى لقيمة القرض 400,000 جنيه بشروط محددة وبسعر عائد تنافسي.

كمان الحد الأقصى لنسبة التمويل 100 % من قيمة السكوتر بشروط محددة...  أما الحد الأقصى لمدة القرض فهي 84 شهر.

أما المستندات المطلوبة للحصول على قرض سكوتر من بنك مصر
فهي:
صورة من بطاقة الرقم القومي سارية.
أصل إيصال مرافق حديث على مقر إقامة العميل ( غاز/كهرباء/مياه/ تليفون).

عرض سعر سكوتر معتمد من المعرض.

ولو حضرتك موظف هيبقى مطلوب منك  مستندات تانية وهي:

- شهادة مفردات الراتب الشهري.

- تعهد جهة العمل بتحويل الراتب / القسط الشهري ( في حالة تعهد جهة العمل) .

أما أصحاب المهن الحرة والأنشطة التجارية والصناعية فهيكون مطلوب منهم تقديم مستندات عبارة عن

- مستخرج رسمي حديث من السجل التجاري بالنسبة للأنشطة التجارية والصناعية.

- تصريح مزاولة المهنة بالنسبة لأصحاب المهن الحرة.

- صورة البطاقة الضريبية.

- كشف حساب بنكي لمدة 6 أشهر او شهادة دخل من محاسب قانوني معتمد من البنك المركزي او جمعية المحاسبين والمراجعين.
بعد الحصول على الاسكوتر لازم تاخد بالك من مواعيد سداد الأقساط اللي عليك عشان مايحصلش إن البنك ياخد اجراء قانوني ضدك.