لو ناوي تتجوز... شوف قصة أرخص شبكة في مصر

يا ترى إيه قصة أرخص شبكة في مصر، هل هي دهب ولا حاجة تانية، ولو دهب هل في دهب رخيص ودهب غالي ولا سعر الجرام هو الفيصل أو المعيار.. هنقولك كل التفاصيل في التقرير التالي 

آلاف الشباب بيفكروا في خطوة الجواز كل يوم، ومع زيادة أعباء الحياة وارتفاع الأسعار، ناس كتير بتستغنى عن الشبكة، لكن في فريق تاني من الناس بيهتم جدا بالشبكة وبيعتبرها جزء مهم من تقاليد الجواز، وهدية من العريس لعروسته.

والشبكة عادة بتكون خواتم أو أسورة دهب، زبيتم تقديمها للعروسة خلال حفلة الخطوبة أو الفرح، فأغلب اللي بيتجوز مابتفتوش قصة الشبكة.

عشان كده، هنقولك إيه هي أرخص  شبكة في مصر  لسنة 2024، واللي هي شبكة "على قد الايد"، ومكونة من "محبس، وخاتم، ودبلة" عيار 21، وهتبقى بسعر 33 ألف جنيه، وإجمالي وزنها  8 جرام ونص.

كمان، في شبكة مكونة من "دبلة، وخاتم، ومحبس" عيار 21، بوزن 8.3 جرام، وبسعر  32 ألفا و535 جنيه.

تالت حاجة، هي شبكة مكونة من "دبلة وخاتم" عيار 18، بوزن 4.82 جرام، وبسعر  16 ألف و520 جنيه.

ورابع أرخص شبكة، بتبقى مكونة من "دبلة بومبية وخاتم" عيار 18، ووزنها  5.52 جرام، وبسعر 19 ألف جنيه.

وخامس أرخص شبكة مكونة من "خاتم فراشة ودبلة" عيار 18، بوزن 5.78 جرام، بسعر حوالي 20 ألف جنيه.

وفي اخر تداول انخفضت، أسعار الدهب في مصر ، وتراجع عيار 21 بقيمة 5 جنيه ووصل سعره 3465 جنيه، وعيار 24 سجل 3960 جنيه.

كمان سعر جرام الذهب عيار 18 انهاردة  2970 جنيه، يعني نقدر نقولك لو أنت ناوي على الجواز وقررت تجيب شبكة صغيرة كده، فخليك عارف إن اليومين دوم وقت مناسب جدا لشراء الدهب، ولأن أسعار الدهب هتولع الأيام الجاية بسبب توقعات باتجاه الفيدرالي الأمريكي لخفض سعر الفائدة على الدولار الأمريكي في اجتماعه الجاي في شهر سبتمبر المقبل، وده طبعا بيكون له تأثير سلبي وبيساهم في ارتفاع أسعار الدهب العالمية واللي بتتأثر بيها أسعار الدهب المحلية في مصر يعني كل ما هتستنى كل ما هتخسر بسبب توقعات صعود المعدن الأصفر عالمياً لغاية سنة 2026.

فلو حضرتك ناوي تجيب شبكة ماترددش وانزل اشتري، وألف مبروك مقدما.