700 يورو في الشهر . فرص عمل جديدة في البوسنة والهرسك.. شوف إيه الحكاية

لو بتدور علي فرصة عمل في الخارج يبقي الفيديو ده ليك..  البوسنة والهرسك طلبت شباب خريجين من مصر برواتب بتوصل ل700 يورو شهريا.. لو عايز تعرف كل التفاصيل خليك معانا للآخر 
 

 
حلم السفر واحد من أبرز الحاجات اللي شاغلة بال ناس كتير جدا، وخصوصا الشباب،واللي هما نفسهم في فرصة عمل في أي دولة خارجية وظيفة يطلعوا فيها يطلعوا فيها كل طاقاتهم والحلم اللي قعدوا سنين طويلة يدرسوا ويتعلموا علشان لما يتخرجوا يلاقوا وظيفة تكون لايقة علي التعليم اللي شقوا فيه .
وزي ما احنا عارفين أن للاسف فرص العمل الموجودة حاليا في مصر تكاد تكون بسيطة جدا وللاسف أغلبها مش هيلائم الشباب والأحلام اللي قعدوا سنين عمرهم يلحموا بيها، وعلشان كده بيكون حلم السفر في الخيار الاول والاخير بالنسبة لهم خصوصا ان كل واحد فيهم عايز يكون أسرة ويفتح باب ويفتح مشروع أو يحقق حلم فيه المكان اللي نفسه فيه، وقدام كل الاحلام دي بتقف عقبة السفر حاجة كبيرة جدا وبتعطل الشباب عن تحقيق حلم خصوصا أن اية سفرية للخارج عايزة رقم خيالي وطبعا ده مش موجود عن اغلب الشباب، وحتي لو موجود أغلبهم لما يسافر بيلاقي الحال مختلف تمام عن الاتفاق والشروط اللي اتكلم فيها مع شركة أو مكتب إلحاق العمالة بالخارج .
وقبل ما تفكر في الحيرة والحسابات والهموم اللي انا دخلت فيها من شوية، انا هقولك علي الحل اللي هيخلك تسافر في جهة مضمونة وكمان شغل معروف هتعمل اية وهتقبض كمان، ده غير أن القبض هيكون برقم كبير واليورو كمان .
الشغل اللي بقولك عليه أعلنت عنه وزارة العمل واللي بدأت من النهاردة تلقي أوراق الراغبين فى التقدم لشغل أحد فرص العمل في دولة البوسنة والهرسك، واللي بتوصل رواتبها ل 700 يورو شهريًا، ده غير أن الشغل الجديد بيوفر  مبيت مكيف للعمال، ووجبات طول فترة العمل، ومواصلات خاصة بالشركة من وإلى أماكن العمل، وتأمين طبى واجتماعى، وتأمين صحى إضافى ضد إصابات العمل والحوادث فى مواقع البناء، ومدة العقد سنة قابلة للتجديد ، وكمان بيوفر وبيئة عمل ممتازة مع موظفين عندهم خبرات وكفاءات مهنية، وكمان الوزارة أعلنت عن إمكانية دفع تكاليف السفر وتقسيطها من الراتب الشهرى بعد إستلام العمل على دفعات.

طيب اية التخصصات اللي وزارة العمل فاتحة فيها وظائف جديدة ؟. 
وزارة العمل قالت إن فرص العمل المطلوبة عبارة عن مهندسين مدنىين، وعمال بناء، وحدادين ونجارين مسلح، ومبيضين محارة ونقاشين، صناعية سيراميك، وهيتم إجراء اختبار لتحديد مستوى المهارة على الحرف المطلوبة بديوان عام الوزارة.

وزارة العمل قالت كمان أن التقديم على فرص العمل مجانى، وبدون أى رسوم، أو واسطة وهيكون من خلال الإدارة العامة للتشغيل الموجودة في مقر الوزارة القديم فى 3 شارع يوسف عباس -مدينة نصر -القاهرة.
أما عن الاوراق المطلوبة للسفر فيها صورة من جواز السفر ولازم يكون ساري وصورة من المؤهل الدراسى وشهادات الخبرة.
وزار العمل حددت كمان مدة التقديم واللي هتوصل لمدة 7 ايام فقط هتبدا النهاردة، أنه هيتم التواصل مع المتقدمين هاتفيًا من خلال الإدارة المختصة، وتحديد ميعاد لتسليم كافة الأوراق المطلوبة المطلوبة من المقبولين للسفر .