فيديو| أسعار شحن العربيات الكهربائية الجديدة

 
الدولة مؤخرا خذت قرار برفع اسعار شرائح الكهرباء سواء للقطاع التجاري المنزلي... يا تري شحنة العربية الكهرباء بتوصل لكام  دولوقتي.. وهل في حل لتحويل العربيات الكهرباء علشان تشتغل بالسولار
 

الكهرباء والوقود والسولار بقوا اساس كل حاجة حياتنا، لانهم ببساطة الترس اللي بيشغل المواتير والمحركات علشان تدور وبتدور معاها عجلة الحياة.. لو توقفوا في يوم الحياة هتتوقف معاهم تماما.. واحدة من الحاجات اللي بقت تشتغل بالكهرباء هيا العربيات، واللي بدأت تتنشر بشكل كبير مؤخًرا.. وطبعا مع كل قرار للحكومة برفع اسعار الطاقة سواء السولار أو البنزين أو الكهرباء بيصاحبها زيادة في تكلفة التفويلة.
الدولة مؤخرا طرحت أنواع كتيرة من العربيات اللي بتشتغل بالكهرباء، واحدة من اشهر العربيات الكهربائية اللي موجودة في السوق واللي بتعتبر اكثر عربية شعبية موجودة حاليا وهيا العربية فولكس فاجن الكهربائية.
وعلشان نعرف تكلفة شحنة العربيات الكهربائية هتوصل لكام حاليا لازم نعرف الزيادات الجديدة اللي حصلت في اسعار شرائح الكهرباء واللي وصلتفي  الشريحة الأولى والل هيا من صفر كيلو وات إلى 50 كيلو وات هيوصل سعرها لـ 68 قرش، والشريحة الثانية واللي هيا من 51 كيلو وات ساعة إلى 100 كيلو وات بيوصل سعرها 78 قرش، والشريحة الثالثة واللي هيا من صفر كيلو وات ساعة إلى 200 كيلو وات ساعة بيوصل سعرها 95 قرش والشريحة الرابعة من 201 إلى 350 كيلو وات ساعة بيوصل سعرها 155 قرش، والشريحة الخامسة من 350 إلى 650 كيلو وات بيوصل سعرها 195 قرش، الشريحة السادسة من 650 إلى 1000 كيلو وات بيوصل سعرها 2.1 جنيها، واخيرا الشريحة السابعة اكثر من 1000 كيلو وات بيوصل سعرها 2.3 جنيها.
طيب تكلفة شحن للعربية فولكس فاجن بعد الزيادة الجديدة في اسعار شرائح الكهرباء بيوصل لكام؟.
تكلفة الشحنة الكاملة للعربية فولكس فاجن واللي بتتيح السواقة لمسافة 500 كم، حوالي 200 جنيه مصري على أعلى شريحة كهرباء، وهي الشريحة الأخيرة واللي بيوصل سعر الكيلو ات فيها لـ 2.3 جنيه لكل كيلووات، ولو عملنا مقارنة بسيطة بين العربيات اللي بتشتغل بالبنزين أو السولار والعربيات اللي شغالة بالكهرباء علشان مواطن يقطع نفس المساقة واللي هيا500 كم، فالعربية اللي بتشتغل بالبنزين هيحتاج صاحبها لدفع مبلغ من 700 إلى 1000 جنيه علشان يعبي خزان البنزين.
الحسبة البسيطة اللي قولت لحضراتكم عليها دي هتخلي طب كبير علي العربيات الكهربائية خصوصا أنها بتوفر بنسبة كبيرة للمواطن في شحن خزانات الوقود حتى مع الأسعار الجديدة لشرائح الكهرباء وده مقارنة باسعار السولار والبنزين الأخيرة واللي برضوا ارتفعت ولسه هترتفع اكثر في الفترات اللي جاية خصوصا أن لجنة تسعير المواد البترولية بتجتمع كل 3 شهور لمناقشة الأسعار الجديدة للمواد البترولية، وغالبا بيكون القرار بزيادة اسعار الوقود والمواد البترولية بشكل عام.