قبل بداية المدارس.. اعرف أسعار الأدوات المدرسية "السبلايز" في السوق

موسم المدارس قرب يبدأ، وفي الوقت ده كتير من أولياء الأمور بيبحثوا كل يوم عن أسعار الأدوات الدراسية والكتب الخارجية عشان يفرحوا ولادهم من ناحية، وكمان يتخلصوا من العبء ده بشكل سريع من ناحية تانية.. ولو حضرتك عايز تعرف أسعار الأدوات المدرسية تابع الفيديو للآخر. 
 

دلوقتي، تجار الأدوات المدرسية بيتنافسوا على موسم البيع في السوق، في منهم اللي نزل ببضاعته بدري عشان يحقق أفضل مكاسب طوال فترة ما قبل المدارس، وفي تجار تانية لسه بتستعد تنزل بالتقيل عشان تخطف السوق.

ولأن طبعا الأدوات المدرسية مش مجرد حاجات فرعية نقدر نستغنى عنها، فيحرص أولياء الأمور على شرائها بدري، لأنها بتساعد التلاميذ والطلاب على تحقيق النجاح والتقدم في الدراسة، وكمان بتساهم في تحسين حالة التلميذ النفسية واستقراره في الفصل، عشان كده الأهل بيبقوا حريصين على تلبية جميع احتياجات أطفالهم المدرسية، بما يتناسب مع المرحلة التعليمية اللي بيمروا بيه، عشان يصمنوا عام دراسي حافل بالنجاح.

وبالنسبة للأدوات المدرسية، فهي بتشمل مجموعة متنوعة من العناصر المكتبية اللي يحتاجها الطالب لأداء واجباته زي الكراريس والكشاكيل والأقلام الجاف والرصاص وكراسات الرسم وعلب الألوان والمقلمة وشنطة المدرسو وغيرها، لكن مع التطور الملحوظ في التعليم، أصبح في قوائم خاصة بكل مدرسة تتضمن الأدوات المطلوبة لكل طالب واللي بيتقال عليها "السبلايز".

مؤسسة زي الفجالة دايما بتقدم أدوات مدرسية أو "سبلايز" متنوعة ودايما بتكون بأسعار مناسبة، زي باكيت أقلام جاف فرنسي (5 أقلام) بسعر 33 جنيهًا، وعلبة ألوان فلوماستر (12 قلمًا) بسعر 120 جنيهًا مصريًا.

كمان في أسعار اقتصادية للأدوات المدرسية يعني رخيصة شوية، وممكن تتجاب من أي سوق، ومنها علبة 12 قلم رصاص بسعر 80 جنيهًا، وعلبة الألوان الخشبية (12 قلمًا) بسعر 80 جنيه.

أما أسعار الكشاكيل بمختلف أنواعها في الأسواق، فسجلت:

- سعر كشكول السلك 100 ورقة حجم وسط بسعر 59 جنيه.

- سعر كشكول 60 ورقة نهضة مصر مربعات مقاس A4 55 جنيه، وهو من الأدوات المدرسية اللي لا غنى عنها.

- باكيت 10 كراس مربعات 28 ورقة بسعر 135 جنيه.

- كشكول سلك (سطرين) 100 ورقة 85 جنيه.

- كراسة رسم كبيرة بسعر 70 جنيهًا نوت بوك A6 بسعر 100 جنيه.

-براية شيك بلاستيك سعة كبيرة بسعر 22 جنيه.

كمان، في شوية مستلزمات للدراسة مهمة جدا وبيحرص جميع أولياء الأمور على شرائها، خاصة لو ولادهم لسه داخلين مرحلة دراسية جديدة، زي الزي المدرسي سواء ابتدائي أو إعدادي أو ثانوي أو حتى كي جي، بالإضافة لشنطة المدرسة والأدوات الهندسية لمادة الرياضيات، ده غير اللانش بوكس وحافظة المياه وخلافه.

فلو أنت من أولياء الأمور، قولنا هشتتري إيه السنة دي؟!