الزيادات اتحسمت.. شوف أسعار شرائح الكهرباء هتوصل لكام

الحكومة وبشكل رسمي حسمت الزيادات الجديدة في أسعار شرائح الكهرباء، وخلال الوزارة هتبدا تطبيق الزيادات الجديدة علي الشرائح الاستهلاك.. يا تري الزيادات الجديدة في شرائح الكهرباء هتوصل لكام.. وانتي موعد تطبيق الزيادات الجديدة في أسعار الشرائح.

طلعنا هنا في بانكير وقولنا لحضراتكم أن وزارة الكهرباء والطاقة المتجددة انهت العمل وبشكل رمسيغبهطة تسعير شرائح الكهرباء واللي منا شغالين بيها من بداية عام 2024 وتحديدا من اول ايام شهر يناير وكلن مقرر انتهاء العمل بيها في شهر يونيو اللي فات وبسبب خطة تخفيف الاحمال علي الشبكة القومية للكهرباء الحكومة قررت تأجيل الزيادات الجديدة في أسعار شرائح الكهرباء لمدة شهرين تانيين وهما شهور يوليو واغسطس .

طيب اية اللي هيحصل في أسعار شرائح الكهرباء الجديدة ؟
يوم الخميس اللي فات وزير الكهرباء والطاقة المتجددة الدكتور محمود عصمت، عمل اجتماع موسع بحضور كل رؤساء شركات التوزيع التسعة على مستوى الجمهورية ورؤساء قطاعات الشئون التجارية ورؤساء قطاع النظم؛ لمناقشة تحديد موعد تطبيق الزيادات الجديدة للأسعار شرائح الكهرباء.

وزير الكهرباء والطاقة المتجددة خلال الاجتماع عطي كل نائب تجارى ظرف مغلق فيه أسعار شرائح استهلاك الكهرباء الجديدة المرتقب تطبيقها، وهتوصل نسب الزيادة الجديدة بين 30 إلى 35٪ للاستهلاك المنزلي، وهتزيد عن النسبة دي للقطاع التجاري، وهتبدا شركات التوزيع تطبق الأسعار الجديدة، على العدادات مسبقة الدفع من خلال تغييرات في أنظمة شحن العدادات بالأسعار الجديدة، وبالنسبة للعدادات القديمة والميكانيكية هيحصل فواتيرها بالأسعار الجديدة بعد التطبيق مباشرة.

طيب اسعار شرائح الكهرباء الحالية بتوصل لكام اصلا قبل تطبيق الزيادات الجديدة ؟.

لحد اللحظة اللي احنا معاكم فيها دي الدولة لسهوسغالة بأسعار شرائح الكهرباء القديمة واللي بتوصل  فيها 
الشريحة الأولى واللي هيا من صفر إلى 50 كيلو وات بسعر 58 قرشا 
الشريحة الثانية من 51 إلى 100 كيلو وات بسعر 68 قرشا
الشريحة الثالثة من صفر كيلو وات إلى 200 كيلو وات بسعر 83 قرشا 
الشريحة الرابعةمن 101 كيلو وات إلى 350 كيلو وات بسعر 125 قرشا 
الشريحة الخامسة من 351 كيلو وات إلى 650 كيلو وات بسعر 140 قرشا 
الشريحة السادسة من 650 كيلو وات إلى 1000 كيلو وات بسعر 128 قرشا
الشريحة الأخيرة لأكثر من 1000 كيلو وات بسعر 165 قرشا
أما عن أسعار شرائح الكهرباء الحالية للقطاع التجاري قبل الزيادات الجديدة بتوصل سعر  الشريحة الأولى من صفر إلى 100 كيلو وات بسعر 65 قرشا، والشريحة الثانية من 101 إلى 250 كيلو وات بسعر 136 قرشا، والشريحة الثالثة من 251 إلى 600 كيلو وات بسعر 150 قرش، والشريحة الرابعة من 601 إلى 1000 كيلو وات بسعر 165 قرش والشريحة الخامسة أكثر من 1000 كيلو وات بسعر 180 قرشا.

طيب لية وزارة الكهرباء والطاقة المتجددة عايزة تزود الأسعار ؟.
مصادر بوزارة الكهرباء والطاقة المتجددة قالت أن الزيادات الجديدة في أسعار شرائح الكهرباء السبب الأساسي فيها هي زيادة الأعباء الاقتصادية اللي بتتكبدها وزارة الكهرباء والطاقة المتجددة لسداد التزامات وزارة البترول والثروة المعدنية والخاصة بتوفير الوقود اللازم لتشغيل محطات توليد الكهرباء، وتكلفة سعر الكيلووات ساعة على الدولة بيوصل علي الدولة ل 223 قرشًا، ويتم بيعه بسعر 58 قرشًا للمواطن بالشريحة الأولى وبيوصل متوسط دعم الدولة لكل كيلو وات ساعة على مختلف الشرائح إلى جنيه كامل.