قبل ما تقسط عربيتك الجديدة.. شوف الفيديو ده الأول

نفسك في عربية تكون زيرو وسعرها مش في العالي قوي كاش او قسط.. هنقولك تعمل ليه وليه مش بيفضل تقسط عربيتك.. شوف التقرير التالي للأخر وهتفهم التفاصيل

فيه ناس كتير شايفة إن شراء سيارة بالتقسيط من تاجر أو توكيل عربيات بيكون حل مناسب جدا ليهم ودا لأنهم بيشتروا عربية بالفلوس اللي معاهم لكن لما تيجي تفكر فيها بالراحة هتعرف إن الفوايد والالتزامات المالية المرتبطة بالأقساط هتبقي عبء كبير عليك وديون ومرة معاك ومرة مش معاك وتدخل في موال الغرامات والمشاكل ودا غير مصاريف العربية نفسها ودا بيخلي ناس كتير تفكر كويس قبل ما تشتري بالقسط من غير ما يتعرضوا لمشاكل مالية.

طيب والحل ايه.. شوف فيه حل هيديك العربية قسط بس من غير ما يحصلك مشكلة في الاقساط وفي نفس الوقت على فترة كبيرة ودا بيكون عن طريق برامج تمويل شراء السيارات في البنوك..  وعلى سبيب المثال بنك مصر بيقدم باقة متنوعة من برامج التمويل والعديد من الخدمات البنكية، بإجراءات سهلة وبسيطة تتناسب مع جميع الموظفين بالحكومة أو القطاع العام والخاص وأصحاب المهن الحرة والأنشطة التجارية والصناعية، وأصحاب الأوعية الادخارية ومنها قرض السيارة الجديدة بأسعار فايدة تنافسية وبإجراءات سهلة وسريعة وأطول فترة سداد تصل إلى 10 سنوات.

وبخصوص تفاصيل وشروط قرض السيارة من بنك مصر.. شوف ياسيدي القرض بيكون سعر عائد تنافسي.- الحد الأدنى لعمر المقترض 21 عاماَ. - الحد الأقصى للقرض 6 مليون جنيه - نسبة التمويل تصل إلى 100%. -  مدة تمويل تصل إلى 120 شهر.

وبيكون للموظفين بتعهد جهة العمل بتحويل الراتب / القسط الشهري أو الدخل الثابت

ولأصحاب المهن الحرة وأصحاب الأنشطة التجارية والصناعية فبتصرف القرض باثبات الدخل وأصحاب الأوعية الادخارية (للمصريين والأجانب).

وبخصوص المستندات الأساسية المطلوبة للحصول على قرض السيارة من بنك مصر فهي:

- صورة بطاقة الرقم القومي سارية.

- أصل إيصال مرافق على مقر إقامة العميل (غاز-كهرباء – مياه – تليفون ).

- عرض أسعار معتمد من المعرض.

وبالنسبة للمستندات المطلوبة من الموظفين للحصول على قرض السيارة من بنك مصر فهي عبارة عن

- شهادة مفردات الراتب الشهري.

- تعهد جهة العمل بتحويل الراتب / القسط الشهري (في حالة تعهد جهة العمل).

ومن أصحاب المهن الحرة والأنشطة التجارية والصناعية فهيكون مطلوب منهم  صورة البطاقة الضريبية - صورة ترخيص / تصريح مزاولة المهنة (للمهن الحرة). وصورة مستخرج رسمي حديث من السجل التجاري. وكشف حساب بنكي لمدة 6 شهور.