حول موبايلك لمصدر دخل ثابت.. واكسب فلوس بالدولار
يا ترى فيه طرق سهلة وبسيطة تقدر تربح منها؟ وايه المجالات اللى ممكن تتقنها وتكون مصدر دخل ليك وكمان بالدولار؟ وهل فعلا ممكن تعمل ثروة بجد من على الموبايلوانت قاعد فى البيت؟ .. لو عاوز تعرف الاجابة شوف التقرير التالي.
مع التطور المذهل اللى بيحصل فى عالم التكنولوجيا جني الأموال كل يوم بيتطور وفيه ناس بتكسب ملايين في الشهر من غير ما تعمل جهد بدني لكن كل المطلوب شوية ذكاء ودراية بخفايا تطبيقات الموبايل والسوشيال ميديا وتقديم المحتوى التجاري واللي ممكن من خلاله تحقق ربح كبير عن طريق تكنولوجيا التطبيقات او الابلكيشن.
طب إزاي ممكن تحول الموبايل بتاعك لمصدر دخل ؟
فيه أكتر من طريقة وهنشرحلك كل واحدة بالتفصيل والبداية أفضل وأسهل طرق الربح من التطبيقات بصورة مضمونة هي في المجمل إعلانات جوجل، وإعلانات ممولة وشراء خدمات داخل التطبيق واشتراك مقابل إستخدام التطبيق وكمان عن طريق والحصول على عمولة من مقدم الخدمة أو من البايع ومن تحقيق أهداف بيعية وأخيرا ممكن تكسب الفلوس من برامج التطوير الاداري وتوفير الوقت والأفراد.
اول حاجة اعلانات جوجل ودي بتاخدها وبتنزل في حسابك لو عملت محتوى مرئي او بوست وحقق نسب مشاهدات عالية هنا بينزلك فلوس بالدولار كمان لو عملت تطبيق يساعد الناس على انجاز اعمالهم أو قدمت من خلاله خدمة جديدة لعدد أو فئات من الناس واستفادوا منه هنا بتاخد على التطبيق ده فلوس كتير جدا زي مثلا تطبيقات توصيل الاكل أو زي تطبيق أوبر أو اي تطبيق تعليمي أو خدمي او من ناحية حد يشتري منك خدمة في التطبيق بتاعك وهنا ارباحك بتزيد بردوا بشكل كبير كل ما التطبيق انتشر اكتر كمان ممكن تكسب من اشتراكات الغير في التطبيق بتاعك نظير مبلغ كبير كل فترة ودا مكسب دايم يعتبر زي ما بتبيع سلعة كده بالقسط.
ومن أشهر عمليات الربح في التطبيقات الالكترونية على الموبايل هي التسويق الالكتروني وتقدر منها تكسب وتعمل مشروع كبير كمان زي اي حد بيسوق لسلعة أو مجموعة سلع أو التسويق لخدمات جديدة كمان تقدر تاخد عمولة من برامج البيع والشراء على التطبيق بتاعك أو الخدمة اللي انت عاملها يعني زي السمسار اللي بياخد عمولة من البايع والمشتري
