ملف هيقلب شكل الاقتصاد.. مصر تقتحم صناعة الرقائق الإلكترونية

إزاي مصر هتقتحم صناعة الرقائق الإلكترونية وايه أهمية الصناعة دي في اقتصاديات الدول الكبيرة وكلم حجم الاستثمارات فيها وازاي صناعة زي دي هتقلب شكل الاقتصاد المصري في المستقبل.. خليكم معانا للآخر وهتعرفوا التفاصيل في الفيديو ده .

 
في الساعات الأخيرة  مجلس الوزراء برئاسة الدكتور مصطفى مدبولي أعلن عن حاجة مهمة جدا محدش خد باله منها رغم أهميتها الكبيرة جدا وهي موافقته على مشروع قرار بشأن إنشاء وتشكيل المجلس الوطني لتوطين تكنولوجيا تصنيع الرقائق الإلكترونية والخلايا الشمسية .

وحسب الخبر المجلس الوطني مهمته جذب الاستثمارات الأجنبية بمجال صناعة الرقائق وبحث المشكلات التي تواجهها وإقرار الحلول اللازمة .. لغاية هنا خلص بيان الحكومة لكن بين السطور فيه تفاصيل كتير جدا أولها أن مصر لأول مرة هتقتحم صناعة عالمية بتنمو بسرعة جدا وهي صناعة الرقائق الإلكترونية واللي حجم استثماراتها عالميا بيتخطى التريليون دولار وفيه حرب عالمية بين الصين والولايات المتحدة بسبب صناعة الرقائق الإلكترونية دي واللي الولايات المتحدة تقريبا محتكرة جزء كبير منها وبتحاول تمنع الصين من التقدم فيها لدرجة فرضت عقوبات على شركات صينية ومنعت تصدير الرقائق الإلكترونية ليها والنتيجة فيه شركات صينية قفلت أبوابها لكن دا مش معناه إن دول العالم التانية معندهاش تكنولوجيا تصنيع الرقائق الإلكترونية لكن كل دولة بتحاول تخبي التكنولوجيا دي عشان محدش يستفاد منها خصوصا انها هي المستقبل ولأنها بتعتمد على النوابغ البشرية وهي دي رأس مال صناعة الرقائق الإلكترونية لاي دولة.

طيب مصر هتعمل ايه في الصناعة المعقدة دي ؟
في الأول لازم نعرف صناعة الرقائق الإلكترونية دي بتدخل في ايه .. شوف حضرتك الرقائق الإلكترونية دي وأشباه الموصلات بتدخل في اكتر من صناعة دقيقة منها صناعة الموبايلات والاجهزة الاكترونية والطبية والروبوت وغيرها من  الصناعات الاستراتيجية زي الصواريخ والمعدات العسكرية ومصر قادرة تحقق فيها نجاحات كبيرة لأن مصر فيها كفاءات كبيرة وقادرة على تحقيق فارق كبير في صناعة الرقائق الإلكترونية، دا غير إن الرئيس  السيسي حريص على توطين مثل هذه الصناعات لتنمية الاقتصاد المصري خاصة وأن الصناعات بتشهد طلب متزايد في الفترة الحالية وفي المستقبل.

وعلى فكرة مصر مش هتبدأ من الصفر في الصناعة دي لأن عندها نوابغ كبيرة بالفعل في مجال صناعة الرقائق الإلكترونية وأشباه المواصلات،  وعندنا صناعة وطلبة ومراكز تكنولوجية كبيرة في مصر، وشركات ناشئة ومتطورة في مجال تصميم الرقائق الإلكترونية وأشباه المواصلات، ولازم نستفاد من من خامات الرمال السوداء والبيضاء، واللي بتعتبر المادة الخام للصناعة دب ومصر عندها احتياطي 20 مليار طن من هذه الرمال الصالحة للدخول في صناعة الرقائق الإلكترونية بالفعل
ودلوقتي بيتم إعداد  دراسات متكاملة في مصر لتعظيم الاستفادة من مقدرات مصر من خام الرمال البيضاء والسوداء، وكذا تعزيز القدرات التصنيعية في هذا المجال، سعياً لتوطين الصناعات الخاصة بالرقائق الإلكترونية وأشباه الموصلات.

ولأنها صناعة المستقبل فدلوقتي فيه كتير  من الدول الكبرى؛ سعت جاهدة للاستفادة من توطين صناعة الرقائق الإلكترونية، وعلى رأسها الصين والتي قررت إنشاء أكبر صندوق استثماري في الرقائق الإلكترونية بقيمة 48 مليار دولار.

وحسب الأرقام فيه 7 شركات عالمية مخصصة في صناعة الرقائق الإلكترونية؛ أكبر شركة منها استطاعت الحصول على 51 مليار دولار، والشركة التالية لها حصلت على 49 مليار دولار سنويًا من تصنيع هذه الرقائق، فقد بلغت صادرات تايوان من الرقائق الإلكترونية إلى نحو 147 مليار دولار ما يمثل 40% من إجمالي الصادرات

و أمريكا اعتمدت ميزانية 50 مليار دولار لمنح مساعدات لتصنيع الرقائق داخل الولايات المتحدة الأمريكية، والصين قررت إنشاء أكبر صندوق استثماري في الرقائق الإلكترونية للوصول إلى 30% من صناعتها في هذا المجال.
مصر محتاجة دلوقتي عمل وطني ضخم؛ لتوطين صناعة الرقائق الإلكترونية، لأن دا بقي مسألة أمن استراتيجي للدولة المصرية.