إزاى تتعامل مع كارت الائتمان وفترة السماح والرسوم.. تعالى نقولك

ناس كتير منا معاها بطاقات فيزا ولكن للاسف مش عارفة تفهم إزاى تتعامل معاه وآية هيا فترة السماح والرسوم اللي بتفرض علي الاستخدام والرصيد واية هو الحد الائتمانى وازي تستفيد منه.

 
احيانا في ناس كتير بتتفاجي أن الرصيد اللي موجود في كروت الفيزا بيروح بدون ما تعرف اية الأسباب، وفي ناس كتير منهم بيروحوا يتعملوا مشاكل مع خدمة العملاء في البنوك، وبيتهموهم بسرقة الرصيد فاتري الرصيد اللي بيروح من كروت الفيزا بيكون سببه اية .
يا تري اي الأسباب اللي ممكن تخلي الرصيد يروح من كارت الفيزا ؟.
علشان نكون عارفين أن بطاقة الائتمان اللى بتصدرها البنوك، هيا واحدة من بدائل التعامل بالكاش، والمواطن بيستخدمها فى عمليات شراء السلع والمنتجات، وبيكون لها حد مالى محدد كحد ائتمان للبطاقة بدون الخصم من الحسابات البنكية للعميل، والحد الائتمانى هو مبلغ مالى معين تقدر تشترى بيه منتجات وخدمات فى حدوده أو تسحب كاش من ماكينات الصراف الآلى.
البنوك حددت فترة سداد المديونية الخاصة بكورت الائتمان خلال فترة من 55 الي 57 يوم، ودي فترة السماح وبعد
كده بتحط فايدة على المبلغ المدين بيتراوح بين 2 و2.5% كمتوسط فى البنوك العاملة فى مصر..
طيب اية هيا اسهل طريقه لسداد مديونية كارت الائتمان؟.
أسهل وأسرع طرقة لسداد مديونية كارت الائتمان من خلال خدمة الإنترنت البنكى اللي ربتيحها البنوك، ومن خلالها العميل بيقدم طلب الاشتراك فى الخدمة عن طريق فرع البنك، وبيحصل على اسم مستخدم وكلمة سر الخدمة من البنك.
تاني طريقة يقدر العميل يسدد منها مديونية كارت الائتمان هيا السداد عن طريق التحويل والسداد من بطاقة الخصم المباشر  للبنك من خلال ماكينات الصراف الآلى ATM واللي بتوصل عددها أكثر من 11 ألف ماكينة منتشرة فى كل أنحاء الجمهورية.
البنوك اتاحت كمان إمكانية اصدار العميل تعليمات للبنك لسداد الحد الأدنى أو كامل المديونية بالخصم من الحساب المصرفى والمواطن يقدر يحصل علي الخدمة عن طريق فروع البنوك.
البنوك كمان اتاحت إمكانية سداد مديونية كارت الائتمان من خلال السداد عن طريق شبكة فروع البنك اللي أصدر البطاقة الائتمانية.
البنوك في مصر اتاحت الحق للعميل انه أنه يصرف فى حدود 3 أو 5 أضعاف صافى المرتب لكارت الائتمان غير المضمن، وفي حالة كارت الائتمان المضمن بشهادات بنكية أو وديعة بيكون السحب فى حدود 80% من قيمة الشهادة، وكل كارت ائتمان له 55 يومًا فترة سماح للسداد وبعد الفترة ييتم سداد فائدة 2 - 2.5% على حسب نوع الكارت، وطريقة حساب 55 يوم فترة السماح تختلف من بنك لبنك أو من كارت ائتمان للتاني .