الصناعة محور النقاش| داخل غرفة خاصة في العاصمة الادارية.. تفاصيل خطة عودة الجنيه لقوتة

 

ياترى ايه اللي حل في العاصمة الادارية الجديدة وايه تفاصيل الاجتماع الخطير لمدبولي ومجموعة وزراء ومسئولين وايه علاقته بالدولار والجنيه.. تعالو نشوف الكواليس في الفيديو ده
 

زي ما احنا عارفين إن مقر الحكومة الاساسي دلوقتي بقي في العاصمة الادارية الجديدة وان اغلب الاجتماعات بتم فيه ومن بين الاجتماعات دي كان فيه اجتماع خطير ضم مدبولي ووزرا ء المجموعة الاقتصادية وعدد من مستشاري وخبراء الاقتصاد والمال وكان هدف الاجتماع وضع خطة قصير وطويلة المدى لإعادة الهيبة للجنيه المصري وإنه يرجع زي زمان سيد العملات في المنطقة..
الاجتماع وصل لنتيجة حتمية وهي إن أزمة العملة المصرية او الجنيه مش في الدولار لكن فيه هو كعملة وطنية وإنه لازم يرجع قوي.. طيب والجنيه هيرجع قوي ازاي.. اقولك لما الدولار يبقي ضعيف وملهوش حيلة.. دي فازورة حضرتك.. لا مش فازورة ولا حاجة وركز معايا.. الأزمة الحالية اللي في سوق الصرف مش في ان الدولار سعره بيزيد لكن في ان الجنيه بيقل ودا لان الدولار عملة قوية وعليه طلب في السوق المصري .. ليه عليه طلب .. لأن حضرتك عندك فاتورة كبيرة بمليارات الدولارات لازم توفرها كل سنة من استيراد وديون وحقوق شركات وللصناع والمستوردين ودي فاتورة اقل عادة من موارد الدولة الدولارية  ولازم عشان الصورة تتعكس إن الدولار سعره ينزل وأكيد سعره مش هينزل غير لو بقي المعروض منه كتير والطلب عليه أقل في نفس الوقت ومش عليه اعتماد كبير ودا مش هيتحقق غير لما يكون عندنا موارد دولارية وفيرة جدا من كل القطاعات..
وعشان كده الحكومة كل همها تزود دخل الدولة من الدولار  سنويا ومش أقل من 300 أو 400 مليار دولار في السنة وعلى الفكرة الارقام دي سبق واتكلم فيها الدكتور مدبولي وإن الحكومة بتخطط توفرها لكن خلونا واقعيين مفيش دولار ثابت وكتير هيجيلك غير لما يكون معاك حاجة هتبيعها للبلاد التانية يعني لازم تصدر بشكل كبير وعشان تصدر بشكل يعمل فرق كبير معاك يبقي لازم يكون عندك قاعدة تصنيع ضخمة وخدمة تعهيد عالمية والتعهيد يعني الصناعة لصالح الغير  وغير كده يبقي بندور في دايرة مفرغة.

الجديد إن الحكومة بدأت فعلا في مهمة انقاذ الجنيه وإعادة لسابق عصره وبدأت في خطة صناعية طموحة هتحول مصر لمركز صناعي وتجاري وخدمي وتعهيد في المنطقة ودا بس اللي هيخلي سعر الدولار عندنا زي ورق اللحمة والجنيه هيرجع بقوة والأهم اننا عرفنا أزاي نعمل كده ومهما شفت الدولار بيزيد دلوقتي متقلقش الجنيه مسيره راجع وهيرد عليه وكل طوبة بتتحط في مصنع جديد دلوقتي بتقربنا خطوة كبيرة في استعادة قوة الجنيه المصري.