جهز ورقك.. 4962 فرصة عمل جديدة في 18 محافظة وبرواتب كبيرة.. شوف التخصصات المطلوبة
حلم العثور علي وظيفة بقي دلوقتي حاجة في منتهي الصعوبة،. انك تلاقي وظيفة وبمرتب كويس حاجة من الخيال.. بس أنا دلوقتي هقولك علي وظائف فاضية قدام الشباب وبمرتبات كويسة جدا لو عايز تعرف ده اية وازاي شوف التقرير التالي.
طابور الجامعات اللي كل سنة بيخرج الآلاف الشباب اللي نفسهم يلحقوا فرصة عمل تناسب المستوي التعليمي والثقافي اللي اشتغلوا عليه علي مدار سنين الدارسة ، علشان في الاخر يكون خريج مؤهل لسوق العمل وقادر علي التعامل مع كافة فرص العمل المتاحة قدامه، لكن في الاخر بيصدم بسوق عمل فاضي مفيش اي وظائف محدودة ومرتبات لا تناسب اي معيشة.
مع الظروف الصعبة اللي الخريجين بيتحطوا فيها بعد الخروج لسوق العمل بيضطروا أنهم يقبلوا باي وظيفة علي ما يلاقوا اللحين منها أو حاجة تسد حاجتهم للحياة ومصاريفهم الشخصية.
طيب اية هيا الوظائف الجديدة المتاحة قدام الخريجين ؟
وزارة العمل كشفت في نشرة التوظيف نصف الشهرية، عن إتاحة 4962 فرصة عمل في 18 محافظة مختلفة متقدمة من 94 شركة قطاع خاص وبرواتب مجزية، وكمان فيها قرص عمل لأصحاب القُدرات الخاصة وذوي الهمم .
وزير العمل محمد جبران طالب الشباب للاستفادة من الخدمات اللي بتُقدمها الدولة المصرية من برامج التدريب المهني المجاني اللي بتاهل على المهن اللي بيحتاجها سوق العمل.
وزير العمل طالب كمان مديريات العمل في المحافظات بتكثيف المتابعة بعد إعلان الوظائف، وإرسال تقرير للوزارة يفيد بإستلام راغب العمل الفرصة المناسبة له، وتحرى المصداقية فى نشر فرص العمل، والتأكد من تطبيق الحد الأدنى للأجور في القطاع الخاص فى كل الوظائف.
طيب الوظائف الجديدة دي الرواتب فيها هتوصل لكام؟.
وزارة العمل قالت إن الفرص المتاحة حاليا كبها من القطاع الخاص والرواتب بتاعتها مجزية جدا وبيتم تحديدها بعد المقابلة اللي هيعملها المتقدم العمل مع الشركة المتقدم عليها وهتكون ووفقًا للحد الأدنى للأجور، ده غير أنهظ هيحصلوا علي تأمين صحي واجتماعي.
طيب ازاي الشباب يقدروا يقدموا علي الوظائف الجديدة ؟.
وزارة العمل قالت إن التقديم على فرص العمل الجديدة هيكون في شهر أغسطس الحالي وهيكون من خلال مكتب الإدارة العامة للتشغيل بمقر الوزارة القديم بمدينة نصر، ومديريات العمل بالمحافظات، وأرقام وعناوين الشركات والموقع الرسمي لوزارة العمل من خلال الإنترنت.
أما عز المحافظات المطلوب فيها فرص العمل الجديدة فيها القاهرة والجيزة والقليوبية والشرقية والإسكندرية وبورسعيد والسويس وقنا وأسوان وسوهاج والمنيا وأسيوط والفيوم ودمياط والغربية والدقهلية والمنوفية وكفر الشيخ بإجمالي 4962 فرص عمل في أكثر من 30 تخصص ومجال مختلف.
الوظائف الجديدة اللي أعلنت عنها وزارة العمل هتكون في قطاعات التدريس في كل التخصصات ومسئولين ائتمان ومحاسبين ومترجمين صيني وأخصائيين مكتبات وقائدي فرق ومحصلين وموظفين استقبال فرع وبائعين وتلى سيلز وخدمة عملاء وأخصائىين موارد بشرية ومديريت قسم جودة ومديرين إنتاج وأخصائىين تمريض ومتخصص تسويق ومشرفين خطوط إنتاج ومنسقين ميدانيين واخصائيين تمويل وامناء مخازن ومهندسين كهرباء وميكانيكا وعمال إنتاج وجودة وفلزات وسكرتارية وعمال إداريين وسائقين رخصة أولى وثانية وثالثة ومندوبين مبيعات ومراقبين جودة وفنيين جميع التخصصات ومشرفين إنتاج وافراد أمن وعمال خياطة بجميع الأقسام وعمال إنتاج وعمال نظافة.
مش كده بس ده كمان وزارة العمل قالت إن الوظائف الجديدة فيها نسبة لذةطوى الهمم ضمن نسبة الـ5% من بين إجمالى العمال المطلوبين، وده في إمارة تنفيذ توجيهات الرئيس عبد الفتاح السيسي بدمج أصحاب القدرات الخاصة وذوي الهمم في سوق العمل، وإلزام المنشآت بتشغيل نسبة 5% من إجمالي عمالها من ذوى القدرات الخاصة .
