بتخفيضات بتوصل لـ70%.. انزل اشتري كل لوازم بيتك من الأوكازيون الصيفي
الأكازيون الصيفي واحد من اهم الفرص اللي بتكون متاحة قدام الجمهور علشان يشتري كل احتياجاته باقل سعر ممكن في السوق، لو عايز تعرف مين هيا المحلات اللي داخله في الاكازيون وفين امكانها والتخفيضات فيها بتوصل لكام شوف الفيديو ده للأخر.
كل سنة وزارة التموين والتجارة الداخلية بتطرح الاكازيون الصيفي واللي بيكون فرصة للمواطنين للاستفادة من التخفيضات الكبىرة والعروض المغرية اللي بتشمل مختلف الفئات من الملابس والأجهزة المنزلية وبيكون فرصة ذهبية للحصول على أفضل المنتجات بأسعار تنافسية وبيكون كمان خطوة بتهدف لتنشيط الأسواق ودعم الاقتصاد الوطني.
طيب ازاي أنا كمواطن اقدر استفيد من الأوكازيون الصيفي والتخفيضات فيه بتوصل لكام؟.
المصريين من السنة للسنة بيستنوا الازكايون الصيفي علشان يشتروا كل المنتجات ولاوزام البيوت اللي بتكون ناقصة عندهم خصوصا ان التخفيضات فيه بتتراوح من 50 لـ 70% ودي بتكون احسن فرصة للمواطنين علشان يقدروا يشتروا كل حاجة باقل سعر موجود في السوق، والتخفيضات اللي بتكون موجودة في الأكازيون مش هتلاقيها في اي مكان تاني.
وزارة التموين والتجارة الداخلية أعلنت عن ارتفاع عدد المحال المشاركة في اليوم الأول للأوكازيون الصيفي 2024 واللي بدأ أول أمبارل 5 أغسطس، وهيستمر لمدة أسبوعين إلى 1000 محل هتقدم تخفيضات على معروضاتها للمستهلكين، وكمان قالت أنه هيكون في حملات رقابية مكثفة للرقابة علي الاسعار الموجودة علي المنتجات والمعروضات في المحلات اللي داخلة في الأوكازيون .
كمان وزارة التموين والتجارة الداخلية كشفت عن أماكن الأكازيون الصيفي واللي هتكون في جميع المحلات في جميع أنحاء مصر وهتكون خلال الفترة من 5 إلي 20 أغسطس الجاري يعني لمدة اسبوعين، والوزارة شددت علي المحلات أنها تعلن عن نسب التخفيضات بالسعر قبل وبعد الأوكازيون علشان المواطن يقدر يعرض نسب التخفيض اللي عملاها المحلات داخل الأكازيون .
كمان وزارة التموين قالت أن نسب التخفيضات في الأوكازيون هتكون حقيقية ومش وهمية وهتكون وفقًا لرغبة كل صاحب محلى تجاري وكمان الوزارة شددت علي عدم التلاعب في الأسعار الخاصة بالأوكازيون، وأكدت علي كل المحلات التجارية اللي عايزة تشارك في الاكازيون بالتوجه إلى مديريات التموين والتجارة الداخلية في المحافظات للحصول على الموافقة اللازمة دخول الأكازيون .
الشروط اللي اعلنت عنها وزارة التموين والتجارة الداخلية كمان لمشاركة المحلات في الأزكايون تضمنت الالتزام بالإعلان عن الأسعار بوضوح واللي بتتضمن اسعار كل السلع المعروضة للبيع ولازم يكون موضح فيه السعر الفعلي اللي كانت بتباع به في الشهر اللي فات قبل التصفية والسعر الجديد في الأوكازيون.
وزارة التموين قالت كمان أن الهدف من الأوكازيون الصيفي هو تنشيط حركة التجارة الداخلية واستفادة المواطنين من نسب التخفيضات المختلفة، والمحلات بيكون فيها نوع من الرواج في حرة البيع والشراء ده نوع من انواع مواجهة حالة الإحجام عن الشراء اللي موجودة حاليا، وكمان فرصة للمواطن أنه يدور علي الحاجة اللي هو عايزها بسعر بسيط .
