العاصفة جاية جاية.. إيه اللي هيحصل في الصاغة وايه أنسب وقت لشراء الذهب؟
يا ترى أسعار الدهب رايحة على فين في شهر أغسطس الجاري وسبتمبر اللي بعده، هل في زيادة جديدة في الأسعار خاصة مع الحديث عن قرب حدوث تعويم جديد للجنيه، ولا الأسعار هتفضل ثابتة زي ما هي، وهل ممكن يحصل انخفاض للأسعار مع نهاية سنة 2024، وإيه أنسب وقت للشراء.. هنقولك كل التفاصيل في الفيديو ده.
طبعا أسعار الدهب في مصر خلال الفترة الحالية، بتشهد حالة من التذبذب أو عدم الاستقرار، امبارح ارتفع انهاردة انخفض، طب أمته السوق يستقر.
من ساعات سعر جرام الذهب عيار 21 ، تراجع بقيمة 5 جنيه، وسجل 3320 جنيه للشراء ، و3340 جنيه للبيع، وفقا لآخر تحديث صادر عبر الشعبة العامة للذهب والمجوهرات.
وبلغ سعر الدهب عيار 24 اليوم في مصر، الشراء 3780 جنيه و3800 جنيه، بينما استقر سعر الذهب عيار 18 اليوم الشراء 2835 جنيه، والبيع 2850 جنيه.
ووصل سعر الدهب عيار 14 اليوم في مصر الشراء 2200 جنيه والبيع 2220 جنيه، أما عيار 12 اليوم فسجل الشراء 1891 جنيه، والبيع 1902 جنيه.
كمان، سعر الجنيه الدهب سجل 26 ألفا و480 جنيه للشراء، والبيع 26 ألفا و640 جنيه.
وبعد استعراض خريطة الأسعار ده، فنقدر نقول، إن أسعار الذهب في السوق العالمية هي كمان بتشهد تذبذب خلال الفترة الحالية بوتيرة متسارعة، وده انعكس بالإيجاب على أسعار الذهب المحلي.
الخبراء حللوا حالة تذبذب الأسعار، وأكدوا إن السبب في ده بيرجع لاقتراب الانتخابات الأمريكية، وما يحدث في المحيط العربي من مشكلات وكمان في سبب اقتصادي بأن هناك عدم اتزان في الأسواق العالمية، وكل دي عوامل مؤثره في أسعار الدهب عالميا، واللي انعكست على سعره كمان في مصر.
وبالنسبة لشراء الدهب من أجل الاستثمار، فحضرتك ممكن تشتري كل ما يكون معاك فائض من فلوسك وماتبصش للسعر، فلو معاك فلوس وعاوز تستثمرها اشتري فورا بدون تردد، وده طبعا كان كلام الخبراء.
كمان الخبراء توقعوا حدوث ارتفاعات قياسية في أسعار الذهب عالميا خلال أشهر قادمة، فتوقع بنك «مورجان ستانلي» العالمي، ارتفاع الأسعار لتصل إلى مستوى يتعدى الـ2600 دولار للأونصة خلال آخر 3 أشهر لعام 2024، لأن الدهب بدأ بالارتفاع بالفعل بنسبة 50% من أدنى مستوى سجله في عام 2022.
البنك كمان، قال إن أسعار الذهب عالميا سجلت نسبة ارتفاع 25% منذ منتصف فبراير الماضي، وده بيزيد من توقعات أنه ينهي العام الحالي على ارتفاع كبير، وخليك عارف إن الارتفاعات دي سببها عوامل كتير بتعزز ارتفاعات الأسعار.
ومن أهم العوامل دي، ارتفاع مشتريات البنوك المركزية، وخاصة من الدول النامية مثل الصين وروسيا والهند وجنوب أفريقيا والبرازيل، بزيادة احتياطاتها من الذهب بشكل كبير، ما دفع الأسعار إلى الارتفاع، وكمان الطلب على التجزئة والمؤسسات، يعني ببساطة حصلت زيادة ملحوظة في استثمارات التجزئة في سبائك الذهب والعملات المعدنية، خاصة في الصين، ويكتمل هذا الارتفاع بتدفقات مطردة إلى صناديق الذهب المتداولة في البورصة بعد خفض أسعار الفائدة في يونيو.
ضيف على كل ده، الاضطرابات العالمية وجاذبية الملاذ الآمن، لأن الصراعات العالمية المستمرة والأزمات الجيوسياسية عززت من جاذبية الذهب كأصل ملاذ آمن.
وأخيرا التوقعات الاقتصادية، واللي بتقول إن في مخاوف متزايدة بشأن الركود المحتمل في الولايات المتحدة، أنه في حالة ضعف البيانات الاقتصادية، فإن بنك الاحتياطي الفيدرالي سوف يتفاعل بشكل حاسم، مما قد يؤدي إلى زيادة تدفقات الاستثمار إلى الذهب.
فلو أنت ناوي تشتري دهب عشان تحافظ على فلوسك وتستمثرها كويس.. أنزل فورا ومش هتندم.
