لا سولار ولا ديزل.. شوف الحكومة بتخطط إزاي لمنع عودة تخفيف الأحمال

طبعا كلنا عارفين أن خطة تخفيف الاحمال الكهربائية واللي الحكومة وقفت العمل هتنتهي في نص شهر سبتمبر اللي جاي.. يا تري اللي هيحصل بعدها وآية اللي بعتمله الحكومة دلوقتي علشان ايام قطع الكهرباء مترجعش تاني 
 
اخيرا وبعد أكثر من سنة كاملة من اعلان الحكومة عن تطبيق خطة لتخفيف الاحمال الكهربائية علي الشبكة القومية للكهرباء، الحكومة بدأت وقف الخطة لمدة هتقارب للشهرين وهما المدة المتبقية من شهور الصيف، وده بعد حالة الضغب الكبيرة اللي كانت موجودة عند الناس بسبب موضوع قطع الكهرباء بالساعات علي البيوت والاحياء وغيرها من المحلات والشركات.
خطة الحكومة لوقف تخفيف الاحمال بدأت من العشر ايام الأخيرة من شهر يوليو اللي فات وهتفضل مكملة معانا لحد نص شهر سبتمبر اللي جاي وهنا هيبجي السؤال الصعب اية اللي هتعمله الحكومة بعد كده وهل هترجع تطبيق خطة تخفيف الاحمال علي شبكة الكهرباء مرة تانية ولا الحكومة هتعرف تدبر دولارت جديدة علشان تشتري وقود تشغل بيه محطات توليد الكهرباء وننسي تماما موضوع قطع الكهرباء ده .
علشان نفسهم المشكلة ماشية ازاي لازم نعرف أية هيا مشكلة تخفيف الاحمال واللي هيا اصلا حصلت بسبب نقص الوقود اللي محطات توليد الكهرباء محتاجه علشان تشتغل وتولد الكهرباء اللي بتنور البيوت والشوارع، مش سببه ضعف بنية تحتية ولا خطوط نقل أو توزيع للكهرباء، وعلشان كده الحل جه عن طريق أن الدولة استوردت كميات من الوقود وخصصتها لتشغيل محطات توليد الكهرباء وبالتالي الأزمة انتهت بمجرد وصول الوقود ده.
طيب الحكومة هتعمل اية في الفترة اللي جاية علشان مرجيش تطبيق تخفيف الاحمال ؟.
التعاقدات اللي قامت بيها وزارة البترول والثروة المعدنية لتوفير الوقود والغاز الطبيعي والمازوت اللي بحتاجه محطات توليد الكهرباء كلف الدولة مبالغ كبيرة جدا علشان تستورده من الخارج وطبعا التكلفة دي بالدولار، وبالتالي المفروض الدولة تبدأ تجهز نفسها من دلوقتي وتجهز دولارات جديدة لو عايزة تشتري وقود تشغل بيه محطات توليد الكهرباء ومترجعش تطبيق تخفيف أحمال تاني .
أكد هنا الكلام ده بس الدولة شايفة ان ده مش الحل المناسب خصوصا أن الدولة لو اعتمدت علي حل استيراد شحنات وقود من الخارج علشان تشغل محطات توليد الكهرباء هتفضل تستورد علي طول علشان المشكلة مترجعش تحصل تاني، وكان الحل الأنسب أننا نحل المشكلة من اساسا وده هيحصل عن طريق زيادة المحطات اللي تشتغل بالطاقة الجديدة والمتجددة واللي هتولد كهرباء من مصادر طبيعية ومش مكلفة زي الشمس والرياح، وبكده الفلوس اللي كنا هندفعها علشان نشتري الوقود اللي كنا هنشغل بيه محطات توليد الكهرباء هنتسعمله دلوقتي علشان نشتري بيه محطات طاقة شمسية وطاقة رياح تولد كهرباء نظيفة ومش مكلفة ولا هتحتاح وقود ولا تكلفة كبيرة كل يوم علشان تولد كهرباء.
وزارة الكهرباء والطاقة المتجددة أعلنت عن وجود خطة لإضافة 45 الف ميجاوات من الطاقة الجديدة والمتجددة هيتن إضافتها علي الشبكة القومية للكهرباء في السنين اللي جاية لتغطية التوسعات الجديدة اللي بتحصول في الجمهورية وده غير الزيادة الطبيعية في استهلاك الكهرباء