نجاح تصنيع وإطلاق أول قمر صناعي.. إيه اللي بيحصل في وكالة الفضاء المصرية

 
ايه اللي حصل نهاردة في وكالة الفضاء المصرية وازاي اللي حصل كان نقلة نوعية لاول الطريق الى غزو مصر للفضاء وتطوير تكنولوجيا المستقبل.
لو متعرفش النهاركة  وكالة الفضاء المصرية «EgSA» أعلنت الانتهاء الناجح من فترة التشغيل الرسمية لأول قمر صناعي مصري تجريبي لمراقبة الأرض، NExSAT-1.
وأشارت الوكالة في بيان، ان الإنجاز البارز اللي حصل كان بالتعاون مع الشركة الألمانية المرموقة BST، ليبرهن على قدرات مصر الفائقة في مجالات الهندسة النظامية، تطوير البرمجيات، النمذجة الحرارية، تجميع الأقمار الصناعية، تنسيق الإطلاق، والتشغيل.
وحسب البيان الرسمي كان فيه شغل على مدار الساعة بين الفريق المصري وBST حاسمًا للانتهاء من الحدث التاريخي وفي النهاية تمكن فريق وكالة الفضاء المصرية من تطوير أول برمجيات كاملة على متن القمر الصناعي، بالإضافة إلى خوارزميات التحكم في الاتجاه و إعدادات الاختبار، وبرمجيات محطة التحكم الأرضية،  كما تميز الفريق بعملهم الاستثنائي في تجميع القمر الصناعي واختباره، وتطوير وتصنيع نموذج STM، وتنفيذ حملة الإطلاق بنجاح.

ونجحت الجهود في مرحلة التشغيل التجريبي  تلاها التشغيل المستقل للقمر الصناعي المصري ويمثل NExSAT-1 خطوة هامة في مسيرة برنامج الفضاء المصري، وفي تمهيد الطريق لمزيد من التقدم في تكنولوجيا الأقمار الصناعية ويضع مصر في مصاف الدول القليلة اللي بتملك  خبرة تقنية في مجال الفضاء.
الإنجاز اللي حصل ده بيعزز مكانة برنامج الفضاء المصري على الخريطة العالمية ويؤكد التزامه بالابتكار والتفوق الهندسي،  ويمهد كمان الطريق لمستقبل واعد في مجال تكنولوجيا الفضاء.
كتير فاكرين أن قطاع الفضاء ده قطاع كمالي أو ترفيهي الدول الغنية بس بتحب تستعرض فيه قوتها المالية لكن ده مش حقيقي بالمرة لأن علوم الفضاء دلوقتي بقت مهمة جدا للنهوض الاقتصادي وبتساعد على الاكتشافات في مجال المعادن والبترول والاتصالات المتطورة وكمان في حفظ الأمن القومي للدول بسبب دخول علوم الفضاء في صناعة الأسلحة المتطورة واقمار الرصد والتجسس وجمع المعلومات.