تستهدف مليارات الدولارات.. شوف الدولة عايزة تعمل ايه في اقتصادية قناة السويس

زيادة الاستثمارات الأجنبية في قناة السويس واحدة من اهم اهداف الحكومة في الفترة الحالية، خصوصا انها هتكون مصدر أساسي للعملات الأجنبية في مصر.. يا تري مصر بتعمل اية في قناة السويس واية المخطط للمنطقة هناك
 

المنطقة الاقتصادية لقناة السويس واحدة من اهم المصادر اللي بدخل عملة اجنبية مباشرة لمصر، ده غير الدخل الكبير طبعا اللي بتحققه القناة من عبور السفن علي طول خط القناة واللي للأسف حصل فيه تراجع علي طول الشهور اللي فاتت بسبب الاحداث السياسية الموجودة في المنطقة العربية .
طيب اية هيا مستهدفات الهيئة الاقتصادية لقناة السويس في الفترة اللي جاية؟.
مصر حاليا بتتبني خطة كبيرة وطوحة علشان تزود حجك حركة التجارة والاستثمارات المباشرة للمنطقة الاقتصادية لقناة السويس خصوصا ان الدولة حاطة خطة علشان تخلي منطقة قناة السويس واحدة من أهم المنطقة الاقتصادية في أفريقيا والعالم، وفي الأيام اللي فات الدولة وقعت عقود واتفاقيات مع كبري الدول الصناعية الكبرى زي روسيا والصين علشان يعملوا اتفاقيات إقامة مناطق اقتصادية ومشروعات صناعية عملاقة على المناطق الموجودة على جانبي القناة واللي بتعتبر أسرع ممر بحري بيربط بين آسيا وأوروبا.
المنطقة الاقتصادية لقناة السويس أعلنت عن نتائج الجهود الترويجية اللي قامت بيها في السنة اللي فاتت، واللي وصلت للحصول علي موافقات نهائية ومبدئية لـ 218 مشروع بإجمالي استثمارات هتوصل 5.12 مليار دولار، والمشروعات دي منهم 98 مشروع الهيئة حصلوا علي موافقة نهائية بإجمالي استثمارات هتوصل لـ 2.23 مليار دولار، ده غير 120 مشروع حصلوا علي موافقة مبدئية باستثمارات هتوصل لـ 2.89 مليار دولار.
وليد جمال الدين، رئيس الهيئة العامة للمنطقة الاقتصادية لقناة السوي، قال أن إيرادات الهيئة ارتفعت بشكل كبير في نهاية السنة المالية اللي فاتت ووصلت لـ 8.5 مليار جنيه مقارنة بـ 2.76 مليار جنيه في العام المالي 2016/2017، وده بيمثل زيادة 205%.

رئيس الهيئة العامة للمنطقة الاقتصادية لقناة السويس، قال كمان ان الهيئة قامت بحملات في العام المالي 2023/2024 نتج عنها كمية كبيرة من التعاقدات في المناطق الصناعية بتكلفة استثمارية وصلت لـ 5.116 مليار دولار باجمالي 218 مشروعًا، وهينتج عنها توفير أكثر من 25 ألف فرصة عمل مباشرة وغير مباشرة هيتم توفيرها مع بداية دخول المشروعات الجديدة للتشغيل الفعلي .
طيب اية هيا توجهات الدولة المصرية لزيادة الاستثمارات بمنطقة قناة السويس..
خلال الأيام اللي فاتت، الرئيس عبدالفتاح السيسي اطلع علي جهود الهيئة العامة للمنطقة الاقتصادية لقناة السويس، لجذب استثمارات في القطاعات الصناعية المستهدفة بالقناة واللي لازم تكون بتضم مختلف القطاعات، ووجه الرئيس السيسي بتقديم كل التسهيلات المطلوبة لجذب الاستثمارات للمنطقة علشان يكون في استدامة، وكمان وجه الحكومة بإزالة المعوقات الإدارية قدام المستثمرين.
الرئيس السيسي كمان شدد علي الدور المحوري لمسألة توسيع القاعدة الصناعية وتوطينها محليًا، باعتبار أنه هدف استراتيجي للدولة وطريق أساسي لتحقيق التنمية والتقدم في كل المجالات ضمن خطة الدولة لزيادة الفاتورة التصديرية ودعم المنتج المحلي المصري.