إيه اللي هيحصل يوم الخميس الجاي وليه البنك المركزي هيعمل كده

ايه اللي هيحصل يوم الخميس اللي جاي وإيه اللي قرره البنك المركزي وهل في أزمة سيولة في البنوك المصرية .. كل ده هنعرفه في الفيديو ده خليكم معانا للأخر
 

 
اللي حصل إن البنك المركزي المصري، بيستعد لطرح أذون خزانة بالجنيه المصري  وبقيمة 65 مليار جنيه، يوم الخميس الجاي 1 أغسطس 2024، بعطاءات مختلفة.

وحسب بيانات الموقع الرسمي للبنك المركزي، من المقرر طرح أذون خزانة بقيمة 65 مليار جنيه، آجل 6 أشهر وعام.

وإنه هيتم طرح 35 مليار جنيه، آجل أو لمدة 6 شهور، هيتم إصدارها في 6 أغسطس، ويستحق المبلغ في 4 فبراير 2025، وطرح 30 مليار جنيه في نفس اليوم، لأجل سنة، وهيتم إصدارها في 6 أغسطس الجاي على أن يتم استحقاق المبلغ في 5 أغسطس 2025.

كمان البنك المركزي بيستعد لطرح أذون خزانة بقيمة 60 مليار جنيه يوم الأحد الجاي بعد عودة العمل بالبنوك لأجل 3 أشهر و6 أشهر.

وفي وقت سابق، كشفت النشرة الإحصائية الشهرية الصادرة عن البنك المركزي المصري، ارتفاع استثمارات الأجانب بأذون الخزانة لتسجل مايعادل 1.697 تريليون جنيه بنهاية أبريل 2024، مقابل 393.151 مليار جنيه بنهاية ديسمبر 2023.

وقال المركزي في تقرير النشرة الإحصائية الشهرية، إن استثمارات بنوك القطاع العام بأذون الخزانة بلغت 264.2 مليار جنيه بنهاية أبريل 2024، مقابل 343.08 مليار جنيه بنهاية 2023.

طيب ايه هي أذونات الخزانة وليه البنك المركزي بيلجأ ليها؟
شوف ياسيدي أذون الخزانة دي نوع من أنواع السندات الحكومية، واللي بتعتبر أداة دين وببساطة هي وثيقة إثبات للدين وضمان لحقوق الدائن بتصدرها الحكومة لجمع الأموال لدعم الإنفاق الحكومي وسداد الالتزامات ولأن العائد أو الفايدة عليها بتكون عالية  وعشان كده البنك المركزي بيصدرها لأجل قصير بأقصى مدة سنة بس.
وبتقدم السندات الحكومية مدفوعات فايدة دورية اسمها مدفوعات القسيمة وبتعادل نسبة العائد المتفق عليه.
وغالبا ما تُعتبر السندات الحكومية الصادرة عن الحكومات الوطنية استثمارات منخفضة المخاطر لأن الحكومة المصدرة تدعمها.

وبتعتمد الحكومة المصرية على السيولة المالية اللي بتوفرها أدوات الدين لتدبير احتياجاتها من الإنفاق العاجل للوزارات والهيئات التانية.

طيب ليه المستثمرين بيجروا يشتروا أذون الخزانة المصرية؟
الإجابة باختصار بسبب الربح لأن الاستثمار في ديون الحكومة هو طريق مختصر لتحقيق الأرباح المضمونة، خاصة مع عرض الحكومات معدلات عائد أو فايدة مرتفعة بجانب عنصر الامان وعشان كده مثلا بتعتبر 
سندات الخزانة الأمريكية أحد الاستثمارات الأكتر أمانا في العالم، وملاذ آمن للمستثمرين في بعض الأوقات، لأنها محمية بنفوذ الولايات المتحدة، ولأن الأخيرة ببساطة هي المتحكم في عملة الاحتياط العالمية الأولى وهي الدولار وتقدر تطبع منها أي كمية في أي وقت.