رقم ضخم.. شوف الدولة وفرت كام مليون دولار عن كل ساعة تخفيف أحمال

علي قد ما كان تخفيف الاحمال أزمة لكل طوائف الشعب المصري إلا أنه كان بيوفر للدولة مبالغ كبيرة جدا من الدولارات.. هل سالت نفسك الدولة كانت بتوفر كام كل ساعة من تخفيف الاحمال.. لو عايز تعرف الإجابة اللي هتصدمك شوف الفيديو ده للآخر 
 

 
علي مدار سنة كاملة الشعب المصري عاني فيها كتير قوي بسبب أزمة تخفيف الاحمال وقطع الكهرباء بالساعتين والثلاثة ويمكن اكثر من كده علي بعض المناطق علي مستوي الجمهورية، وزي ما احنا عارفين وقولنا لحضراتكم أكثر من مرة أن أزمة تخفيف الاحمال علي الشبكة القومية للكهرباء كانت بسبب نقص إمدادات الوقود اللازم لتشغيل محطات توليد الكهرباء، وان الأزمة مش سببها ضعف البنية التحتية لقطاع الكهرباء سواء محطات توليد أو شبكات نقل وتوزيع التيار.
وعلشان تكون منصفين كمان لازم نعرف أن الدولة علي مدار  ال 10 سنين اللي فاتوا عملت بنية تحتية ضخمة جدا في قطاع الكهرباء من محطات توليد للكهرباء في كل محافظات الجمهورية منهم اللي شغال بالوقود الاحفوري زي الغاز الطبيعي والمازوت وغيرها من الحاجات اللي محطات توليد الكهرباء بتعتمد عليها في التشغيل، بالإضافة إلي المحطات اللي شغالة بالطاقة الشمسية زي محطة بنبان واللي بتعتبر من أكبر محطات توليد الكهرباء باستخدام الطاقة الشمسية واللي هيا طاقة جديدة ومتجددة وبتحافظ علي البيئة والطقس، ده غير كمان المحطات اللي شغالة بطاقة الرياح واللي هيا برضوا طاقة جديدة ومتجددة لإنتاج الكهرباء من استخدام الرياح اللي بتدور الطربينات اللي بتولد الكهرباء .
طيب اية اصلا السبب الأساسي اللي خلي الدولة تتجه لتخفيف الاحمال ؟.
علشان نكون عارفين أن مصر لحد فترة قريبة كانت واحدة من أهم وأكبر الدول في العالم اللي بتصدر غاز طبيعي، ولكن من سنة 2022 حصل تراجع لإنتاج حقل ظهر واللي كان بعتبر من أكبر حقول البترول في مصر والشرق الاوسط، وده ادي لتراجع الإمدادات اللازمة من الغاز الطبيعي لتشغيل محطات توليد الكهرباء، وبالتالي المحطات دي توقف عن العمل وبالتالي الكهرباء اللي كانت مصر بتنتجها قلت، وهنا مثبت الأزمة والدولو اضطرت أنها تقطع الكهرباء لمدة ساعة في البداية عن كل محافظات الجمهورية وبعدين النبوة قررت زيادتها لساعتين وأحيانا وصلت ل 3 ساعات لمدة أسابيع، وكان الحل أنه الدولة تستورد كميات إضافية من الغاز الطبيعي والمازوت علشان تشتغل محطات توليد الكهرباء واللي عملته الدولة واللي تعاقدت في الفترة الأخيرة علي كميات كبيرة من الوقود والغاز الطبيعي لتأمين التغذية الكهربائية اللي المحطات كانت محتاجها علي مدار شهور الصيف وفعلا الدولة أعلنت أن الكهرباء مش هتقطع بحد نصف شهر سبتمبر اللي جاي .
طيب ليه الدولة مخدتش قرار باستيراد الغاز الطبيعي والمازوت لتشغيل محطات توليد الكهرباء من البداية ؟.
في الشهور اللي فاتت الدولة المصرية كان عندها أزمة كبيرة بسبب توفير الدولار وبالتالي كان استيراد غاز طبيعي ومازوت من الخارج كان بالنسبة للدولة أزمة كبيرة خصوصا أن الحاجات دي عايزة ارقام مهولة، وده اللي وفرته الدولة مؤخرا الدولة عملت كده وفعلا امنا احتياجات محطات توليد الكهرباء.
طيب انت قولتي في البداية أن الدولة وفرت ارقام كبيرة جدا من قرار تخفيف الاحمال ؟.
طبعا الدولة وفرت ارقام كبيره جدا من تطبيق تخفيف الاحمال لمدة ساعتين في اليوم ووصلت الأرقام دي ل 600 مليون دولار شهريا وهى قيمة الوقود الذى يتم توفيره.

ده غير أن وزارة الكهرباء والطاقة المتجددة قالت في بيان رسمي لها انها وفرت 127 مليون جنيه في اليومين اللي فاتوا واللي درجة الحرارة انخفضت فيهم شوية بس بما بالك بقي لما الوزارة كانت بتقطع الكهرباء لمدة ساعتين وثلاثة متواصلين عن الأحياء والبيوت بشكل كامل .