بعد زيادة اسعار البنزين والسولار.. أعرف اي هي طلبات صندوق النقد الدولي من مصر

النهاردة الحكومة أعلنت عن زيادة اسعار المواد البترولية والسولار والبنزين، وده بعد اعتمادها في اجتماع مجلس الوزراء اللي عقد امبارح في العلمين الجديدة.. يا تري الاسعار الجديدة وصلت لكام.. وتعريفة المواصلات هتوصل لكام

امبارح كان في اجتماع للحكومة برئاسة الدكتور مصطفي مدبولي رئيس مجلس الوزراء، لمناقشة الملفات الموجودة علي جدول الاعمال واهم وابرز الملفات دي هيا زيادة اسعار الطاقة بشكل عام وخصوصا اسعار الكهرباء والبترول والسولار، والحكومة شافت أنها تبدأ بزيادة اسعار السولار والمحروقات بشكل عام وفعلا مع الساعات الأولي من النهاردة الخميس بدأت الدولة تطبق الزيادة في الاسعار.
طيب اسعار المحروقات والبنزين والسولار الجديدة وصلت لكام
علنت وزارة البترول والثروة المعدنية في مصر، الخميس، رفع أسعار الوقود ليشمل البنزين والسولار.

وزارة البترول والثروة المعدنية، أصدرت قرار رقم 1595 لسنة 2024، والخاص بزيادة أسعار الوقود ووصل سعر بيع لتر البنزين 80 لـ12.25 قرش، وزيادة سعر بنزين 92 لـ 1375 قرش شامل الضريبة على القيمة المضافة، وزيادة أسعار بنزين 95 من 13.5 جنيه إلى 15 جنيهًا، وزيادة أسعار السولار من 10 جنيهات إلى 11.50 جنيه، وزيادة سعر بيع الكيروسين لـ 11.50 قرش شامل الضريبة على القيمة المضافة.
طيب ليه مصر رفعت اسعار المحروقات والبنزين والسولار في الوقت ده بالذات؟.
مصر حاليا في انتظار عقد اجتماع صندوق النقد الدولي لمناقشة صرف الشريحة الثانية من قرض الـ8 مليار دولار واللي مصر، واللي الصندوق طلب من مصر رفع الدعم عن الوقود بأنواعه سواء بنزين أو سولار او غاز طبيعي، ده غير خروج الحكومة من الشركات قطاع الاعمال العام وتسريع معدلات تطبيق وثيقة مليكة الدولة ، وزيادة اسعار شرائح الكهرباء ده غير رفع الدعم عن قطاعات كتيرة في الدولة.
طيب اية هو رد الحكومة المصرية علي تعليمات وشروط صندوق النقد الدولي؟.
الدكتور مصطفى مدبولي، رئيس مجلس الوزراء رد علي نقطة تعليمات وشروط صندوق النقد الدولي لصرف المنح والقروض اللي بتقدم مصر عليها وقال أن صندوق النقد الدولي مش بيفرض علي مصر حاجة، وبرنامج رفع الدعم بيتم مناقشته من الخبراء المصريين ومع الصندوق، وبيكون في مجال للتفاوض بمستهدفات محددة للصالح العام لتقليل الدين، وزيادة الاحتياطي النقدي الاجنبي  .
مدبولي اتكلم كمان وقال أن النقاشات والخلافات مع صندوق النقد الدولي بتكون على آلية التنفيذ وتوقيتاتها، وممكن الصندوق يقول سرع في إجراء مين، والحكومة تعترض علي الإجراء ده لأن ظروف البلد مش تسمح علشان ميكونش فيه تحميل كبير على المواطن، ودي اللي بتكون علي اساسها بيتم التفاوض مع صندوق النقد.
مدبولي اختتم كلامه وقال أن الحكومة هيا اللي بتحط الثوابت وبتنفذها وكل دولة عندها عندها الثوابت الخاصة بيها وصندوق النقد الدولي كجهة عالمية واحنا كدولة هدفنا نستهدف جذب استثمارات خارجية، والمستثمر وقت دخوله لأي دولة عايز بالتأكد أن اقتصاد الدولة يكون ثابت ومستقر، ووجود الصندوق معانا في هذه الوقت ده بيدي شهادة للمستثمر الخارجي إن الدولة ماشية في البرنامج الصحيح .