ضربة مفاجئة لسوق السيارات بعد رفع أسعار البنزين.. إيه اللي هيحصل
![السيارات]( /UploadCache/libfiles/5/7/600x338o/203.jpg)
ايه اللي هيحصل في سوق السيارات بعد قرارات لجنة تسعير البترول ورفع الاسعار النهادرة وليه تجار السيارات مصدومين من زيادات البنزين وغاز تموين السيارات.. تابعونا هنشوف التفاصيل في التقرير التالي.
لجنة تسعير مواد البترولية رفعت النهاردة اسعار البنزين والسولار والكيروسين ما بين جنيه ونص و2 جنيه وطبعا الزيادات دي بتكون ليها تأثيرات سلبية على مختلف المواطنين لأن أكيد بيكون ليها تبعات زي ارتفاع اسعار السلع والخضروات وكل السلع اللي بتعتمد البنزين والسولار في نقل السلع والزراعة وده هيكون ليه تبعات تانية في رفع معدلات التضخم الفترة الجاية وطبعا زيادات البنزين والسولار تحديدا جاية في ظروف صعبة علينا كلنا وخاصة إن المواطن لسه مفاقش من زيادات الادوية ودا غير زيادات اسعار الكهربا اللي الحكومة لسه بتدرسها..
طيب ايه تأثير رفع اسعار المواد البترولية على سوق السيارات زيرو ومستعمل؟
اكيد لكل فعل رد فعل وزيادة اسعار البنزين والسولار وغاز تموين السيارات هيكون ليها تأثير عكسي ومباشر على أسعار السيارات وهيحصل نوع من العزوف على الشراء وبالتالي أسعار السيارات هتنزل أكتر خاصة المستعمل لأنه الركود هيضرب السوق..
طيب ليه الناس مش هتشتري سيارات طالما سعرها هيتزل بسبب ارتفاع اسعار الوقود؟..
هنقول لحضرتك ليه وتعالي نضرب مثال بسيط هنفترض إن خزان أو تانك البنزين بتاع عربيتك هو 50 لتر يبقي التفويلة الواحدة زادت 75 جنيه ولو هتفول مرتين في اليوم عشان مشارويرك كتيرة أو بتمشي مسافات كتيرة يبقي هتدفع 150 جنيه زيادة في اليوم وفي الشهر حوالي 4500 جنيه قيمة زيادة البنزين النهاردة عن سعر التفويلة العادية يعني حضرتك هتحتاج ميزانية تانية عشان تصرف على العربية ودا لو ظروفك كويسة لكن لو موظف عادي أو حرفي على قده وبتفكر تجيب عربية أكيد هتفكر أكتر من مرة قبل ما تشتريها لأن تكلفتها ومصاريفها زادت بشكل كبير جدا وخاصة مع الزيادات المستمرة في اسعار الوقود.
ولأن كل الناس العادية هتفكر كده يبقي متوقع تحصل حالة ركود كبير في سوق السبارات لأن هنا فيه حضرتك اولويات في الإنفاق واللي بيجي في مقدمتها طبعا مصاريف البيت والايجار والمدارس والاولاد والاكل والشرب.
أصلا سوق السيارات كان بيعاني بشكل كبير الفترة اللي عدت بعد أزمة الجمارك وحجز السيارات بعد اكتشاف وجود تلاعب في اجراءات الاستيراد ودا رفع اسعار السيباارت بشكل كبير جدا ورجع الاوفر برايس قبل مايتم حل المشكلة والافراج عن السيارات المحجوزة في المواني ويادوب السوق هيستقر ويرجع لوضعه إلا وصدرت قرارات ارتفاع اسعار البنزين والسولار النهاردة.