انخفضت 30%.. إيه اللي بيحصل لأسعار الزيت والسكر؟
يا ترى إيه اللي بيحصل في أسعار السلع الاستهلاكية دلوقتي زي الزيت والسكر، وهل فعلا الأسعار انخفضت 30%، طيب ده لكل السلع ولا سلع معينة.. هنقولك التفاصيل في التقرير ده.
انهاردة محافظ الجيزة المهندس عادل النجار، شن حملة رقابية على الأسواق، عشان يتأكد من توافر السلع بالكميات الوفيرة من ناحية، ومن ضبط الأسعار المناسبة للسلع من ناحية تانية.
المحافظ، أكد خلال حملته على التجار والمجمعات الاستهلاكية على الالتزام، بنسبة التخفيض اللي قيمتها بتوصل ل 30% لبعض السلع الاستراتيجية زي الزيت والسكر، وشدد كمان على أن وجود أي حالات للتلاعب والغش التجاري والممارسات الاحتكارية بالأحياء والمراكز والمدن، فأصحابها هيلاقوا نفسهم في السجن.
محافظ الجيزة أكد كمان أن الجهود التموينية والرقابية خلال الأسابيع الماضية ساهمت بشكل ملحوظ في تحقيق حالة من الاستقرار في أسعار العديد من السلع الاستراتيجية بالأسواق، وإتاحة نسب تخفيضات للبعض منها بنسبة وصلت 30%، خاصه مع وجود كثافة في المعروضات.
واطلع المحافظ على نتائج الحملات التي شنتها مديرية التموين بالجيزة، بالتعاون مع الوحدات المحلية بمراكز ومدن كرداسة وأوسيم وحي المنيرة الغربية، شملت المرور على المخابز والمحال ومستودعات البوتاجاز ومحطات الوقود ومنافذ السلع التموينية، وأسفرت الحملات عن ضبط عدد من مخالفات للمخابز البلدية للتلاعب بالوزن، وإعادة فتح بدون ترخيص، ونظافة وعدم الحصول على شهادة صحية ، وعدم إعلان عن الأسعار، والبيع بأزيد من السعر، وغيرها، وشدد على ضرورة الضرب بيد من حديد على كل المتلاعبين.
محافظ الجيزة، كمان أكد على أهمية توافر مختلف السلع بالكميات المناسبة لطلب الجمهور وبالأسعار المعلنة بدون أي زيادة.
وحملة المحافظ جت في الوقت اللي بتواصل فيه وزارة التموين والتجارة الداخلية، طرح الخضراوات والفاكهة بأسعار مخفضة في منافذ المجمعات الاستهلاكية بأسعار مخفضة 20% عن الأسواق.
والأسعار كانت كالتالي:
الطماطم17جنيها
- البصل 10جنيهات.
- البطاطس بـ 25 جنيها .
- الجزر بـ 18جنيها .
- بطاطا 12 جنيها.
- الخيار بـ 20 جنيها .
الباذنجان الأبيض بـ 14 جنيها.
- الكوسة بـ20 جنيها.
-الباذنجان العروس بـ14 جنيها .
- الفلفل البلدى بـ 15 جنيها
الفلفل الألوان بـ 45جنيها .
- الليمون بـ 18 جنيا.
بطيخ 13.5 جنيه سعر الكيلو
- الموز البلدي بـ 25 جنيها
