نهاية زمن السلف والقروض.. إيه اللي بيحصل في البلد

إيه اللي بيحصل في مصر دلوقتي وليه زمن السلف والقروض انتهي وإزاي مصر حلت مشكلة السنين وقدرت تحول المستحيل لممكن.. تعالوا نشوف التقرير ده.. خليكم معانا للأخر

مصر ليها سنين طويلة وبتعاني من الديون والسلف وكان مقصود بيها مصر تغرق لاخرها ومتقدرش تسدد عشان تبقي لقمة طريقة لدول تانية في المنطقة وعشان كده كانت أي محاولة للنهوض والصناعة بيتم اجهاضها بقدرة قادر من الخارج وكانت البداية بتوريط مصر في حروب وصراعات اقليمية عشان متشمش نفسها ولا تقدر تتقدم خطوة لقدام..
الوضع دا استمر لغاية 10 سنين فاتوا لغاية ما مصر السيسي قررت تغير الواقع وتواجه كل التحديات والمؤامرات وكانت أول مهام السيسي إنه يبني بلد حقيقي وقادر وعفي يقدر ينهض وينمو ويستغني عن السلف والعوز والفقر والقروض وكانت البداية في تأسيس اقتصاد قوي هي بناء بنية أساسية قوية وحديثة وبالمعايير العالمية ولاول مرة في تاريخ مصر يتم إنشاء طرق ومحاور وكباري وسكك حديد ومواني ومطارات ومحطات كهربا ومياه وصرف صحي وتوسع عمراني ضخم وبناء مدن ذكية وتنفيذ أخطر عملية لتوسيع وتوصيل شرايين الاقتصاد من العلمين غربا لغاية العريش شرقا واللي بيتعمل فيها دلوقتي أهم مواني في شرق المتوسط وكلنا عارفين اللي بيحصل في العلمين الجديدة والساحل الشمالي دلوقتي.
وإيه اللي حصل بعد البنية الاساسية؟
اللي حصل حضرتك كلنا شفناه بعنينا لما عجلة التصنيع والزراعة والتجارة والاستثمار دارت ولسه هتدور أكتر والنهاردة بنتكلم عن صناعة قوية ومتنوعة وحديثة وبنتكلم عن صادرات بمليارات الدولارات وايرادات دولارية مش هتقل عن 300 مليار دولاار في السنة وصادرات فوق ال200 مليار دولا وبنتكلم عن ملايين الأفدنة اللي دخلت الزراعة في السنين الاخيرة وبنتكلم عن سياحة هتعدي ال50 مليون سائح سنويا واللي بيحصل في الساحل الشمالي وساحل البحر الاحمر ومشروعات السياحة في سيناء جنوبها وشمالها واللي بيحصل في القاهرة الفاطمية والمتحف المصري الكبير وكل عمليات التطوير السياحي بتقول إن مصر هتعدي ال50 مليار دولار من السياحة بس.
كل اللي بيحصل دلوقتي في البلد بيقول إن مصر رايحة في حتة تانية خالص حتة هتحقق فيها الوفرة المالية والصناعية والتجارية وهتقفز مراكز كبيرة في مؤشرات الاقتصاديات العالمية وإن السيسي مش باصص تحت رجليه لكن بيبني اقتصاد مصري بنكهة عالمية ويكون رقم مهم في التجارة الدولي مع استغلال موقع مصر الاستراتيجي وسط خطوط التجارة الدولية وكمان قناة السويس والمواني العالمية والمناطق اللوجستية اللي اتعملت وخلت مصر مركز التجارة في المنطقة ولسه هتنور أكتر تجاريا بعد انتهاء الازمات اللي حولينا.
في النهاية كل ده بيودينا إن مصر تنسي خلاص فكرة السلف والاقتراض وتخلص من هم الديون اللي كتمت سنين طويلة على نفس البلد وخنقتها.