بركان مدمر ولا موجات تسونامي جديد.. اية اللي هيحصل في الساحل الشمالي لمصر
![موجات تسونامي - صورة]( /UploadCache/libfiles/5/7/600x338o/177.jpg)
من امبارح والسويشال ميديا مليانة اخبار عن قرب وقوع زلازال مدمرة في الدول المجاورة لمصر واللي هيكون له اثار مباشرة علي مصر.. يا تري اية الحكاية وهل فعلا في زلازال مدمر هيضرب مصر في الايام اللي جاية وهيضي علي كل حاجة
طبعا كلنا تابعة وسائل التواصل الاجتماعي واللي مليان اخبار عن رفع الرايات البيضاء والسودا والحمراء علي الشواطئ الساحلية لمصر بسبب قرب وقوع زلازال مدمر علي شواطي وحدود الدول المجاورة لمصرونصحوا المصيفين بعدم نزول البحر بسبب عدم استقرار حالة الأمواج في البحر.
إدارات الشواطئ في بعص المحافظات الساحلية زي مرسى مطروح وبلطيم وبورسعيد رفعوا شعارات علي الرايات البيضاء كتبوا عليها احذروا نزول البحر بسبب سوء الأحوال الجوية وحالة الطقس وارتفاع الأمواج اللي ممكت يؤدي الي وقوع حالات غرق.
إدارة الشواطئ في محافظة مرسى مطروح عملت بيان صفي وحذرت فيه المواطنين من النزول إلى المياه حفاظًا على وسلامتهم وتجنبًا لأي مخاطر، وكمان إدارة الشواطئ في مصيف بلطيم بكفر الشيخ برضوا حذرت المواطنين من ارتفاع الأمواج في البحر المتوسط ورفعوا الرايات الحمراء على بعض الشواطئ في المصايف، ومجلس مدينة مصيف بلطيم طالب المصيفين بضرورة توخي الحذر والالتزام بتعليمات فريق الإنقاذ الموجود على الشواطئ، وعدم التعمق في مياه البحر.
من بلطيم هنروح بورسعيد وتحديدًا في نطاق حي الشرق واللي شهدت انحسار للمياه عن الشاطئ بشكل كبير جدا وظهر حاجز رملي بطول الساحل.
مدير إدارة شاطئ بورسعيد إيهاب شطا قال أنهم قفلوا الشاطئ بشكل كامل من امبارح ولفترة غير معروفة لحماية أرواح المواطنين والمصطافين من مخاطر الغرق، وان قرار اغلاق الشواطئ ده هيشمل كل شواطئ بورسعيد وشواطئ مدينة بورفؤاد، وأن قرار عودة فتح الشواطئ قدام المصيفين هيكون مرهون باستقرار الأجواء وزوال أسباب الخطورة.
طيب اية حكاية قفل الشؤاطي دي كلها وهل فعلا في زلازل كبير جاي في الطريق هيدمر العالم؟.
عمرو حمودة نائب رئيس اللجنة الدولية الحكومية لعلوم المحيطات اليونسك، ونائب رئيس اللجنة الحكومية الدولية لنظام الإنذار المبكر بأمواج تسونامي في شمال شرق المحيط الأطلسي والبحر المتوسط ، قال أن إغلاق بعض الشواطئ بيرجع لاضطراب حالة البحر نتيجة ارتفاع الأمواج الناتجة من التغير في حالة الطقس ونشاط للرياح، ووملهوش اي علاقة بتسونامي أو بزلزال كريت.
نائب رئيس اللجنة الحكومية الدولية لنظام الإنذار المبكر بأمواج تسونامي في شمال شرق المحيط الأطلسي والبحر المتوسط ، اتكلم كمان عن تحذيرات نزول المصطفين للشواطئ، وقال أنه ده حاجة عادية نتيجة ارتفاع الأمواج واللي بتحصل بشكل طبيعي في فصل الصيف وكان لازم يتم تحذير المواطنين للحفاظ على حياتهم.
عمرو حمودة اتكلم كمان عن علاقة التغييرات المناخة وتأثيرها على تغيير منسوب البحار وموجات التسونامي واللي بتنتج من الزلازل والبراكين واللي طبعا بيحصل وراها تغييرات المناخ، وأن ظاهرة ارتفاع الأمواج وانخفاض منسوب سطح البحر ده ناتج عن تغييرات في حالة الطقس والضغط الجوي والمد والجز على طول سواحل البحر المتوسط.