انتعاشة قادمة.. ماذا قالت رويترز عن اقتصاد مصر؟
يا ترى المؤسسات ووكالات التصنيف الدولية شايفين مستقبل مصر الاقتصادي ازاى ؟ وايه توقعاتهم للتضخم والنمو وأزمة نقص العملة الأجنبية؟ وايه المؤشرات اللى بتقول ان فيه تحسن كبير هيحصل للاقتصاد المصري؟
اوعا تكون فاكر ان اقتصاد مصر ومستقبله شأن داخلى محدش مهتم بيه غير الحكومة وكام مسئول وخلاص .. لا اقتصاد مصر محط أنظار العالم كل وكل المستثمرين بيتابعوا باهتمام كبير ايه اللى بيحصل عندنا ويهمهم يعرفوا مصر رايحة على فين لأنها دولة كبيرة ومحورية فى الشرق الأوسط كله .. وعشان كده وكالات الأنباء الكبرى ومراكز الأبحاث طول الوقت بتعمل تقارير واستطلاعات رأي عشان تعرف الدنيا عندنا رايحة على فين
ومؤخرا وكالة رويترز العالمية عملت استطلاع رأي لعدد كبير من خبراء الاقتصاد اتكلموا فيه عن توقعاتهم لمستقبل الاقتصاد المصري وقالوا بشكل واضح ان نمو الاقتصاد المصري هيكون أبطأ شوية عما كان متوقعا في أبريل بعد اتفاق بقيمة 8 مليارات دولار تم توقيعه مع صندوق النقد الدولي في مارس اللى فات
استطلاع رويترز شارك فيه 17 اقتصادي وكان متوسط التوقعات هو أن ينمو الناتج المحلي الإجمالي بنسبة 4% في السنة المالية اللي بدأت في الأول من يوليو، انخفاضًا من توقعات بنسبة 4.35% لنفس العام في أبريل و4.15% في يناير.
وكان صندوق النقد الدولي خفض توقعاته في تقريره الصادر الشهر الجاري، لنمو الاقتصاد المصري بنسبة 0.3% خلال العام المالي الماضي والجاري ليسجل 2.7% في 2023-2024 بدلا من 3% بنهاية في توقعات أبريل ، وتوقع كمان تراجع النمو إلى 4.1% في 2024-2025 بدلا من 4.4% في توقعات سابقة.
توقعات صندوق النقد الدولي كانت أقل من توقعات الحكومة المصرية اللي بتستهدف تحقيق معدل نمو بنسبة 4.2% خلال العام المالي الجاري، وفق مشروع برنامج الحكومة الجديدة.
وكانت هالة السعيد وزيرة التخطيط والتنمية الاقتصادية السابقة توقعت انكماش وتيرة نمو الاقتصاد المصري بنهاية العام المالي الماضي إلى 2.8% و2.9% مقارنة بنسبة 3% في توقعات سابقة.
وخفض البنك الدولي توقعاته لنمو الاقتصاد المصري خلال العام المالي الجاري إلى 4.4%، بدلا من 4.5% في تقرير سابق، وفق تقرير له صادر في أبريل اللى فات.
وأشار الاستطلاع اللي أجرته رويترز إلى أن الاقتصاد نما بنسبة 2.9% في السنة المالية المنتهية في 30 يونيو الماضي، وده أقل من نسبة 3% اللي توقعوها في أبريل و3.5% في يناير… وأظهر الاستطلاع أن النمو من المتوقع ينتعش إلى 4.99% في 2024-2025.
استطلاع رويترز كشف إن تشديد السياسة المالية والنقدية وضعف الجنيه المصري بعد اتفاق صندوق النقد الدولي هيؤثر على حجم النمو المتوقع بصورة كبيرة.. لكنه أكد ان فيه أسباب بتدعو إلى المزيد من التفاؤل بشأن نمو الناتج المحلي الإجمالي اعتبارًا من السنة المالية 2025-2026 فصاعدًا".
