الحق جهز ورقك.. وظايف جديدة في السعودية والقبض بالريال
![الريال السعودي]( /UploadCache/libfiles/5/7/600x338o/76.jpg)
العالم كله حليا بيدور علي شغل وخصوصا الشباب ونفسه في وظيفه يكون الراتب بتاعها كويس.. بس انا دلوقتي مش هقولك علي وظيفة راتبها كويس بس لا ده هتقبض بالريال كمان.. لو عايز تعرف ده هيحصل ازاي وفين اقرأ التقرير ده للاخر
الظروف الاقتصادية اللي بيمر بيها الناس واللي للاسف كان لها انعكاس كبير علي عيشتها واسلوب حياتنا خصوصا أن كل حاجة دلوقتي الجنية اللي بيحكمها، ولو مفيش فلوس مش هيكون فيه اي وسيلة من وسائل الرفاهية اللي كل الناس بتدور عليها، وعلشان كده كل اصبحت بتدور علي وظيفة واثنين وثلاثة علشان تكفي احتياجات بيتها ومصاريف اولادها ومدارسهم وجامعات وباقي متطلبات الحياة التانية.
متطلبات الحياة والمصاريف اللي بقت مرتفعة جدا خلت الناس بتدور علي اي باب رزق، كلن انا دلوقتي هقولك علي حل وباب رزق مش هقبض منه مرتب كبير بالجنية المصري لا ده انت هتقبض مرتب بالريال السعودي خصوصا ان الشعب الجديد بتاعك هيكون في السعودية..
وقبل ما تفكر ولا تحتار ولا دماغك تلف.. الحكاية باختصار أن موقع فرصنا التابع لوزارة التضامن الاجتماعي، واللي مهتم بتوفير فرص عمل للشباب في جميع المجالات والتخصصات أعلن عن توفير وظائف جديدة للشباب والخريجين في السعودية للناس اللي عنجها حلم السفر والعمل في الخارج.
طيب اية الشروط والتخصصات اللي حددتها المملكة العربية السعودية في الراغبين للتقدم بالعكل؟.
موقع فرصنا أعلن عن التخصصات اللي طلبتها شركة كوادر المستقبل بالعاصمة السعودية الرياض واللي طالبة موظفي مبيعات داخلية وحددت الشروط المطلوبة في المتقدمين للوظايف وهي أن يكون عنده خبرة متوسطة 3 سنين على الأقل، ويكون معاه رخصة قيادة خاصة، ويكون معاه شهادت بتاكد أن مستواه كويس في اللغة الإنجليزية، ده غير شهادات بتاكد أن يكون مستواه كويس في استخدام الحاسب الآلي، وكمان يكونحاصلا على مؤهل عالي.
اما عن مهام الوظايف الجديدة المطلوبة للسفر الي السعودية بالموقع برضوا حددها وقال، ان لازم المتقدمين للوظايف الجديدة يكون عنده خبرة في التسويق والمبيعات، وعنده كمان القدرة على الإقناع، ويكون حسن أو حسنة المظهر، وهيكون الشغل بنظام التارجت واللي طبعا مرتبط بمعدل الانجاز في الشغل يعني كل ما كان انتاجه في الشغل اكثر كل ما كان راتبه اكبر.
مش كده بس لا ده كمان الشركة السعودية اعلنت عن توفير وظائف مدير تنفيذي، وحددت كمان الشركة المواصفات المطلوبة فيهم وهيا أن يكون عندهم خبرة في تأسيس وإدارة الشركات، ويكون قادر علي بناء هيكل إداري ووظيفي، وعنده خبرة في ابتكار الأفكار وإنشاء المشاريع، وعنده برة في الإدارة، والعمل على بداية المشاريع والأفكار ويرتقي بيها، وعنده القدرة علي الإدارة بالكامل والتعاقدات، والإشراف على مراحل العمل وأقسامه، وقالت كمان انه الافضلية هتكون للمتقدمين اللي معاهم لغة عربية وإنجليزية ورخصة قيادة مصرية.