وهم عودة السوق السوداء وانفلات سعر الدولار.. مصير الجنيه قبل نهاية 2024
![الدولار]( /UploadCache/libfiles/5/7/600x338o/75.jpg)
يا ترى السوق السودا للدولارممكن ترجع تانى ؟ وايه مستقبل الجنيه المصر من دلوقتي لنهاية 2024 ؟ وهل ممكن الدولاريوصل ل 70 جنيه زي ما حصل قبل كده ؟ وايه اللى ممكن يخلى الدولارينزلل25جنيه زى ما قال نائب رئيس الوزراء كامل الوزير؟
فى الأيام الأخيرة بتشهد سوق الصرف في مصر حالة من الاستقرار والهدوء بعد إعلان البنك المركزي المصري تثبيت أسعار الفائدة خلال اجتماع لجنة السياسة النقدية يوم الخميس اللى فات..واستقرت أسعار صرف العملات أمام الجنيه المصري، وبلغ متوسط سعر صرف العملة الأمريكية البنك المركزي مستوى 48.18 جنيه للشراء، 48.31 جنيه للبيع.
وفي البنك الأهلي المصري وبنك مصر استقر سعر صرف الدولار عند مستوى 48.2 جنيه للشراء، و48.3 جنيه للبيع. وفي البنك التجاري الدولي – مصر بلغ سعر صرف الدولار مستوى 48.2 جنيه للشراء، و48.3 جنيه للبيع.
بس يا ترى الاستقرار ده هيستمر كتير ولا ممكن الدولار يحقق قفزات جديدة؟
لازم نكون عارفين انه من يوم6 مارس اللى فات البنك المركزي بيطبق سعر صرف مرن للجنيه امام باقي العملات التانية وسعر العملة حاليا بقا بيتحدد وفقا لقوانين العرض والطلب وعشان كده فى الشهور اللى فاتت كنا بنشوف الدولار سعره بيعلى ويرجع ينخفض تانى وساعات كتير يقعدبالااسبيع السعر مستقر والزيادة والانخفاض بتكون فى حدود من 5 الى 10 قروش صعودا او هبوطا
طب الكلام ده معناه ايه ؟
الكلام ده بيقول ان خلاص زمن ثبات سعر الصرف انتهى وان قوانين العرض والطلب هي المتحكمة فى تحديد سعر الدولار ولما الحكومة بتنجح فى توفير كميات كبيرة من النقد الأجنبي سعر الدولار طبيعي بينزل ولما بيكون فيه شح فى كميات الدولار سعر العملة الأمريكية بيرتفع وده يفسرلك ايه اللى بيحصل فى سوق صرف العملات مؤخرا
طب هل ممكن السوق السودا ترجع تانى ؟
بنسبة كبيرة صعب جدا عودة السوق الموازية حاليا خصوصال ان البنك المركزيلحددلوقتى قادر يوفر للشركات والمستاوردين احتياجاتهم من العملة الصعبة كمان المركزينجح فى القضاء على تعددسعر العملة الأمريكية وكلده بيصعب من مهمة المضاربين
طب ايه صحة كلام كامل الوزير بان الدولار ممكن ينزل ل 25 جنيه وكمان ممكن بعدها يوصل ل 10 جنيه؟
ناس كتير اتعاملت مع تصريحات كامل الوزير باستخفاف واقتطعواكلامه من السياق اللى اتقال فيه .. الوزيرقال فعلا ان الدولار ممكن ينزل ل25 و10 جنيه كمان بس ربط ده بالاهتمام بقطاع الصناعة وزيادة صادرات مصر للخارج يعنى فيه شغل كبير اوى لازم يتعمل الأول عشان نبدا نصنع ونحقق اكتفاء ذاتي من كتير من الصناعات وده هيقلل الضغط على الدولارلأن الاستيراد هيقل وفاتروته هتنخفض لأدنى مستوى كمان لما نصنع هنبدأ نصدروده هيدخل عملة صعبة للبلد وهيزود المعروض النقدي من العملة الأمريكية وبالتالى سعر الدولار فعلا ممكن يوصل للأقام اللى قالها كامل الوزير لكن ده مشروط بانتاج وتصنيع ودعم كبيرللصناعةوالمصدرين