فيها سم قاتل... شوف أسباب وقف استيراد الفراخ البرازيلية

الفراخ البرازيلية واحدة من انواع الفراخ اللي عدد كبير من الدول ومنهم مصر كانت بتستوردهم في فترة من الفترات لكن حاليا في مرض عامض ضرب سوق الفراخ البرازيلية وخلاها خطر علي صحة الانسان.. يا تري اية هيا المرض ده واية تاثيرة علي صحة الانسان .

الارتفاعات اللي حصلت في الايام اللي فاتت في اسعار اللحوم والفراحخ عندنا في السوق المصري خلي عدد كبير من المستورين والتجار يتجهوا للبحث عن اسواق بديلة لاستيراد اللحوم والفراخ، والبرازيل كانت واحدة من الأسواق دي واللي مصر استورت منها كميات كبيرة خصوصا من الفراخ وكان عليها اقبال كبير جدا من المواطنين لشرائها بسبب ان سعرها كان في متناول ايد المواطن المصري.
طيب اية اللي حصل خلي مصر تتراجع عن استيراد الفراخ البرازيلية؟.
في الايام الأخيرة في دولة كتيرة جدا اعلنت عن حظر دخول الفراخ المستوردة من البرازيل خصوصا الفراخ اللي جاية من ولاية ريو جراندي دو سول البرازيلية وده بعد ظهور حالة إصابة بمرض نيوكاسل واللي معروف باسم طاعون الدواجن .
طيب اية هو مرض نيوكاسل ده واية هيا اعراضه؟.
داء  أو مرض نيوكاسل هو مرض فيروسي بيصيب الطيور وبيسبب مشكلات تنفسية عند الطيور واحيانا بيؤدي لوفاتها، والكومة البرازيلية أكدت علي المواطنين هناك بضرورة الابلاع عن اي إصابات بالمرض خصوصا أنه بيعتبر شديد الخطورة، وبيكون ظهره في الطيور علي مراحل خفيف ومتوسط وشديد الخطورة، واحيانا بيظهر علي شكل مرض تنفسي بيكون معاه أعراض عصبية وإسهال.
طيب النوع ده من الفيروسات بينتقل ازاي؟.
النوع ده من الفيروسات بينتقل عن طريق الاتصال المباشر مع الطيور المصابة أو الإفرازات اللي بتنتج عنها، أو عن طريق الماء الملوث، وله مدة حضانة بتتراوح من 4 إلى 6 أيام وممكن تستمر لـ 15 يوم، والفيروس المسبب للنوع ده من الامرض قادر على البقاء على قيد الحياة لاكثر من اسبوع خصوصا في الطقس البارد، والنوع ده من الفيروسات بيكون سريع الانتشار، ومجرد إصابة طائر واحد بين المجموعة اللي موجود فيها كده بيعني أن كل المجموعة بقت مصابة بالمرض في خلال 6 أيام.
أما بقي عن أعراض الإصابة بمرض نيوكاسل في حالة انتقاله للبشر والأعراض دي بتختلف حسب سلالة الفيروس اللي بتصيب الدواجنوبنتقل للانسان بس في شوية اعراض مشتركة بين كل انواع الفيروس ده هيا أعراض بالجهاز زي السعال والعطس، وأعراض بالجهاز العصبي زي الرعشة والتشنجات وممكن لا قدر الله توصل لللشلل، ده غير ظهور اعراض بالجهاز الهضمي زي الإسهال.
اما بالنسبة للاعراض اللي بتحصل علي الفراخ في حالة اصابتها بالنوع ده من الفيروس فيبحصل لها انخفاض جزئي أو كامل في إنتاج البيض وممكن يحصل تغير على لون وشكل البيضن ومعدل الوفيات بين الدواجن بيختلف بحسب حدة الأعراض بس المعدل بيوصل إلى 100 %.