الأسواق تتنفس الصعداء بعد قرار المركزي.. إيه اللي هيحصل في سوق الدهب والدولار والسيارات

متابعينا الكرام أهلا وسهلا بكم  على منصات بانكير وتحليل جديد لأهم الاحداث المالية والاقتصادية على مدار الساعة.
معانا دلوقتي تفاصيل قرار لجنة السياسية النقدية الرابع  بالبنك المركزي المصري والللي أصدرت قرار بتثبيت سعري عائد الإيداع والإقراض لليلة واحدة عند 27.25%، 28.25% على الترتيب..
الحقيقة قرار المركزي صدر وفقا لتوقعات بانكير واللي اكد فيها إن المركزي مش هيستعجل ويصدر قرار بخفض سعر الفايدة رغم تراجع نسب التضخم ودا لأن لسه البنك المركزي بيستهدف تخفيضات جديدة في نسب التضخم وغير إن فيه أسباب تانية ممكن تأثر على حركة الاسعار في الاسواق الفترة الجاية في حال رفع اسعار الكهرباء والمواد البترولية.

كمان قرار تثبيت الفايدة جاء متوافق مع توقعات بنوك الاستثمار اللي رججت تثبيت  اسعار الفائدة فى اطار خطط مواجهة التضخم اللي بدأ ينخفض في الشهور الأخيرة,

البنك المركزي قال كمان في بيانه إن بيتابع التطورات الاقتصادية عن كثب، وأنه لن يتردد في استخدام أدواته النقدية لتحقيق استقرار الأسعار البنك المركزي متابعة الأوضاع والتطورات

لجنة السياسة النقدية بالبنك المركزي أعلنت كمان إنها هتواصل الإعلان عن المعدلات المستهدفة للتضخم واللي بدأت من 2017 بما يتسق مع المسار النزولي المستهدف لمعدلات التضخم، ونجحت سياسة استهداف التضخم في خفض معدلات التضخم حتى ظهور الصدمات العالمية الأخيرة ومنها جائحة كورونا والحرب الروسية الاوكرانية.

ومن المتوقع أن تؤدي الزيادة في الأسعار العالمية والمحلية إلى ارتفاع معدل التضخم العام عن نظيره المستهدف من قبل البنك المركزي.

وبخصوص تأثير قرار المركزي على أسعار الدهب.. فأكيد مش هيحصل اختلاف كبير وهتفضل الأمور على ماهية لكن ممكن يحصل استقرار في سوق الدهب مع استقرار سعر الدولار .. وهنا بنأكد على حاجة مهمة إن اسعار الدهب ليها علاقة مباشرة باللي بيحصل في السوق العالمي واللي بيحدد خريطة الاسعار محليا بجانب حركة العرض والطلب على المعدن الاصفر ومع تثبييت سعر الفايدة سوق الدهب هيستمر في نفس مساره مع العوامل اللي بتحدد سعره ..
وزي ما احنا عارفين ان سعر الفايدة بيمشي عكس سعرالدهب يعني لو حصل تخفيض في سعر الفايدة الدهب سعره بيزيد والعكس صحيح.
وبالنسبة لتأثير قرار المركزي بالتثبيت على سوق الصرف بالبنوك.. فالأمور هتفضل زي ماهي ومفيش تأثير وإن اللي بيحدد سعر الدولار هو قانون العرض والطلب.
وأخيرا بخصوص تأثر سوق السيارات بقرار تثبيت الفايدة فشعبة السيارات سبق وردت على دا وقالت إن سعر الدولار ملهوش علاقة بالاسعار في سوق السيارات دلوقتي وإن الاسعار المرتفعة سببها نقص المعروض في السوقف