تحويل مصر إلى مركز عالمي للنقل البحري.. ليه السيسي مهتم بالملف ده بالذات
![صورة ارشيفية]( /UploadCache/libfiles/5/6/600x338o/927.jpg)
ايه هز الملف اللي الرئيس السيسي بيتابعه شخصيا كل يوم تقريبا وبيعمل اتصالات دايمة مع الوزير المختص وليه الرئيس مهتم بالقطاع ده بالتحديد.. هتعرف التفاصيل في التقرير ده خليكم معانا للآخر
مصر ربنا حباها بموقع جغرافي مميز جدا مفيش زيه في العالم شواطئ لتمتد لالاف الكيلومترات وقناة سويس وقوعها في تقاطع خطوط التجارة الدولية لكن كانت المشكلة أن محدش كان قادر يستغل الميزات دي كلها لغاية ما مسك الفريق كامل الوزير مسؤولية وزارة النقل وكلنا شفنا اللي حصل في كل قطاعاتها بداية من الطرق والكباري لغاية المواني واللوجستيات وملف المواني ده تحديدا هو اللي الرئيس السيسي بيتابعه بشكل مستمر لأنه هو رمز من رموز قوة الدولة المصرية واهم قطاع في البنية الأساسية اللي اتعملت عشان تخدم الصناعة والصادرات والتجارة المصرية مع العالم وفيه دول ومدن زي ابو ظبي ودبي اقتصادها قايم على قوة موانيها والحقيقة حصلت طفرة كبيرة جدا في ملف المواني والمناطق اللوجستية على مدار السنين اللي فاتت وبالارقام مصر صرفت 130 مليار جنيه استثمارات في قطاع النقل البحري في 10 سنين وحوالي 1.6 مليار دولار استثمارات اجنبية بمحطتي حاويات السخنة والدخيلة بس غير باقي المشروعات.
الفريق كامل الوزير نائب رئيس الوزراء للتنمية الصناعية ووزير الصناعة والنقل كشف مؤخراً إن الرئيس عبدالفتاح السيسي وجه بتحويل مصر إلى مركز إقليمي للنقل واللوجستيات وتجارة الترانزيت وكمان مواصلة العمل الجاري في تطوير شبكة الموانئ المصرية، بما يتكامل مع جهود الدولة الرامية لتحقيق أقصى استفادة من البنية التحتية اللي تم تنفيذها خلال السنين اللي فاتت لتعزيز القدرات الشاملة للدولة، وتوفير مزيد من فرص العمل للمواطنين.
ولسه الرئيس كان عامل اجتماع مع الفريق كامل الوزير وزير النقل، والفريق أشرف عطوة قائد القوات البحرية، وعدد من قيادات القوات المسلحة، واستعرض فيه تطورات العمل في إنشاء وتحديث وتشغيل الموانئ على مستوى الجمهورية بخلاف تعزيز الدور المحوري اللي بتمثله لجميع قطاعات الدولة، وتعظيم مكانة مصر كمركز إقليمي وعالمي للنقل البحري واللوجستيات وتجارة الترانزيت.
الرئيس السيسي كلف كمان الوزير بسرعة الانتهاء من إنشاء وتطوير الموانئ البحرية والبرية والجافة، والمناطق اللوجستية، لتشجيع تجارة الترانزيت وتنمية الصادرات المصرية، وصولًا لتحويل مصر لمركز إقليمي للنقل وتجارة الترانزيت،
الرئيس عبد الفتاح السيسي مش ساكت في الملف ده زي ما قلنا وعقد في الأيام الأخيرة اجتماع مع محمد الشامسي الرئيس التنفيذي لمجموعة موانئ أبوظبي، لبحث التعاون المشترك مع مجموعة موانئ أبوظبي في قطاعات تطوير المناطق اللوجستية والموانئ وفي نفس اللقاء قال الشامسي إن مصر عندها مقومات فريدة تخليها مركز لوجستي إقليمي وعالمي خاصة بعد اللي تتحقق من توسيع وتحديث بنيتها الأساسية لتصبح بمستوى عالمي في مختلف القطاعات، بما يُحدث طفرة نوعية في قدرة مصر على استقبال الاستثمارات، ودعم حركة التجارة الإقليمية والدولية.