كنز جديد هيوفر مليارات الدولارات.. شوف إيه الحكاية
![الدولار]( /UploadCache/libfiles/5/6/600x338o/888.jpg)
السحابة السودا واحدة من الحاجات اللي بتعمل مشاكل لكل الناس واللي بسببها بيحصل ضيق تنسف لعدد كبير من المصريين ده غير مشاكل التلوث اللي بتعملها للناس... لكن حاليا في خطوة جديدة هتعملها الحكومة والفلاح هيستفاد منها اقتصاديا وهنخلص من أزمة السحابة السوداء.. لو عايز تعرف ده هيكون ازاي اقرأ التقرير ده للأخر.
مصر من البلاد اللي عندها موارد كتيرة جدا وللاسف اغلبها غير مستغل اقتصاديا بالشكل المطلوب، واحد من الموارد دي هو قش الأرز واللي كان الفلاح المصري بيحرقه علشان يخلص منه بسبب انه مفيش اي استفادة مالية أو معنوية منه، وكان عبارة عن حاجة مش عارف هيتصرف فيها ازاي، وبيكون الحل الأسهل عود كبريت ويخلص منه.
ولأن مصر في فترة جديدة وفيها رؤية وإدارة جديدة وطبعا هدفها اقتصادي في المقام الأول، حاليا الحكومة بحث خطوات الاستقادة من قش الأرز بيحث يكون فيه استفادة مالية للفلاح وتكون مصدر دخل اضافي له، وكمان تكون مصدر من مصادر الدولة لتوفير مليارات الدولارات اللي بتصرفها لاستيراد الاعلاف واللي طبعا بتحتاج ميزانية كبيرة جدا علشان نغذي الثروة الحيوانية الموجودة عندنا في مصر علشان نوفر اللحوم المطلوبة للطلب المحلي، وكمان نحافظ علي نظافة الهواء وتوفير هواء نظيف للمواطن المصري.
طيب ده هيحصل أزاي .. وازاي الفلاح هيقدر يستفيد اقتصاديا من غفش الارز بدلا ما يحرقه.. وازاي الدولة هترفر مليارات الدولار من الموضوع ده؟.
النهاردة وزارة البيئة عملت اجتماع مع وزارة الزراعة لمناقشة ازمة ظاهرة السحابة السودا، والجميل في الموضوع أن الأجتماع كان علشان يشوفوا ازاي هيستفيدوا من عفش الارز اقتصاديا بدل من حرقه وتلويث الهواء بيه، واتفقوا علي تفعيل منظومة الجمع والنقل والتخزين والتدوير، كواحدة من خطوات الاستفادة الاقتصادية من الكميات الهائلة من المخلفات الزراعية واهمها قش الارز كواحد من أهداف التنمية الزراعية المستدامة واللي هيكون لها دور كبير في تحسين دخل المزارعين وإنتاج أعلاف غير تقليدية هتساعد الدولة في خفض فاتورة استيراد الأعلاف المطلوبة لتنمية الثروة الحيوانية.
الأجتماع اللي عملته الحكومة ناقش كمان عمليات تدوير قش الأرز واستخدامه في إنتاج الأسمدة العضوية، وإنتاج الطاقة الحيوية ومنتجات الحرف اليدوية وتوفير فرص عمل جديدة غير تقليدية للشباب خصوصا في المناطق الريفية ده غير الهدف الأكبر وهو حماية البيئة من التلوث وصحة الإنسان من الأمراض.
وزارة الزراعة اكدت علي قيامها بدورها في توعية المزراعين سواء من خلال وسائل الإعلام او الندوات الإرشادية المباشرة في الحقول لتعريف المزراعين بخطوات الاستفادة من المخلفات الزراعية وتحقيق عائد اقتصادي هيكون السبب في رفع مستوى معيشتهم، وكمان شكلوا غرفة عمليات مركزية خاصة بمنظومة قش الارز والتعامل الفوري مع اي حالات حرق قش الارز وتحرير محاضر مخالفات واتخاذ الاجراءات القانونية للمخالفين بالتنسيق مع وزارة البيئة.