كارت ذكي لمترو الأنفاق.. هيوفر وقتك ومجهودك

مترو الأنفاق.. من أهم وسائل المواصلات في القاهرة الكبرى، وبيستخدمه حوالي 3 مليون راكب بشكل يومي

عشان كده، الشركة المصرية لإدارة وتشغيل المترو، طرحت "كارت ذكي" أو ما تسمى بـ«محفظة التذاكر» اللي بتكون بديلة للتذكرة اليومية.

كارت المترو ده، سعره 25 جنيه، وتقدر تشتريه من أي محطة مركزية زي الشهداء والسادات وجمال عبدالناصر، وكمان تشحنه من أول 50 جنيه لحد 400 جنيه، وهو عبارة عن مجموعة من التذاكر مشحونة عليه.. وهيغنيك عن الوقوف في أي طوابير

الكارت ده مش باسم معين، يعني ممكن أي حد يستخدمه عادي، وكمان غير مرتبط بمدة محددة.

كمان، ممكن حضرتك تشحن نفس الكارت أكتر من مرة لأن مدة صلاحيته 5 سنين، وبكده تقدر تركب المترو من غير ما تقف في طوابير.