نزيف الدولار.. شوف هيوصل كام بعد الهبوط الكبير بالبنوك
هو ايه اللي بيحصل في الدولار اليومين دول في البنوك وسر انتفاضة الجنيه أمام العملة الامريكية وياترى ايه المفاجأةالمتوقعة في سعر العملة الأميريكية وتأثير دا على الاسعار والاسواق.. تابعونا لأخر الفديو وهنعرف التفاصيل
اللي متابع سعر الدولار في البنوك هيعرف إنه في أسبوع الدولار نزل 20 قرش مرة واحدة أمام الجنيه المصري ونزل من مستوى 48 جنيه الي 47.80 جنيه.. طيب ايه السبب.. لازم نبقي عارفين إن الدولار بينزل ويطلع على حسب السوق والطلب عليه ووفرة المعروض وغير كده مفيش أي حاجة تانية بتأثر في سعره لكن الأهم بقي إزاي توفر الدولار وإزاي العملة المصرية قدرت تصعد أمام الوحش الأمريكي الأخضر .. عشان نفهم دا لازم نبص في الصورة بشكل عام على سوق الصرف.
لو تابعنا رحلة الدولار من ساعة التعويم واللي قرب من اعلى سعر ليه بحوالي 50 جنيه وقتها لاقل من 48 جنيه دلوقتي هنعرف إن مسار السعر بيحدده التطورات الاقتصادية والاستقرار المالي وزيادة التدفقات الدولارية مع اجراءات تانية ضخمة الدولة بتعملها منها توطين الصناعة وتوفير الدولار من الاستيراد ووجود خطط حكومية واضحة لأول مرة لتوفير موارد دولارية مستدامة بعيد عن الاقتراض وبعيد عن الأموال الساخنة وهي موارد ذاتية يعني ملك للدولة زي السياحة مثلا واللي بتعمل عظمة دلوقتي للوصول لإيرادات قياسية من الدولار زي المشروعات السياحية الجديدة اللي هتقلب سوق السياحة في المنطقة منها راس الحكمة والساحل الشمالي والمتحف المصري الكبير وتطوير المناطق السياحية والاثرية بشكل غير مسبوق وللوصول لايرادات أعلي من 50 ملياردولار في السنة من السياحة بس حسب الخطط الحكومية.
كمان الحكومة سبق وأعلنت إنها بتخطط وبتنفذ إنها توصل لايرادات أو حصيلة دولارية متقلش عن 300 مليار دولار في السنة وعلى فكرة الرقم ده مش كبير لان مصر عندها تنوع كبير في موارد العملة الامريكية ولو استغلتها صح وطورتها وعظمت الفايدة منها زي مابيحصل دلوقتي في السياحة الدولارهينزل الأرض قدام الجنيه.. طيب ايه هي الموارد اللي مممكن مصر تعظم ايراداتها.. فيه كتير بخلاف السياحة انت عندك الاسثممار المباشر وغير المباشر واللي مصر عاملة فيه شغل عالي جدا وبأرقام ضخمة ومليارات الاستثمار سواء اللي شغالة أو اللي لسه جاية في الطريق هي كلمة السر في استقرار ونزول الدولار على مدار الايام اللي فاتت لانه تم توقيعها بالفعل ولأن بتضمن استمرارية التدفق للدولار وده أكتر حاجة عملت استقرار في سوق الصرف.
طيب الدولار هيوصل لفين وتاثير ده إيه على الاسواق.. شوف حضرتك أخر توقعات دولية ومحلية قالت إن السعر العادل للدولار 43 جنيه وهينزل لأكتر من كده كل ما الحكومة قدرت توفره بشكل كبير مع تقليل الاعتماد على العملة الامريكية في الاستيراد والاقتراض يقابله زيادة الاستيراد لأن زي ما قلنا اللي بيحكم سوق الصرف هو العرض والطلب وأكيد طبعا لما الدولار ينزل الاسعار هتنزل خاصة اسعار السلع اللي ليها علاقة مباشرة بالاستيراد زي السيارات وزيوت الطعام والشاي وأدوات الانتاج.
