إلحق نفسك قبل الخميس.. لو هتشتري دهب يبقي دلوقتي.. هنقولك على السر
![الذهب]( /UploadCache/libfiles/5/6/600x338o/851.jpg)
ايه اللي هيحصل في الصاغة يوم الخميس وايه المفاجأة اللي هيفجرها البنك المركزي وعلاقتها بسوق الدهب وليه دلوقتي أفضل وقت تستثمر فيه.. تعالو نقولك السر.. تابعنا للنهاية في الفيديو ده
زي ما احنا شايفين ومتابعين اللي بيحصل في سوق الدهب اليومين دول والاسعار اللي شغالة تزيد ووصل جرام 21 النهاردة الاثنين بالمصنعية لسعر 3300 جنيه مرة واحدة وسبق واتكلمنا عن التوقعات الدولية واللي بتأكد إن الدهب سعره هيزيد اكتر وبارقام قياسية مع اقتراب بنك الاحتياطي الفدرالي الامريكي من خفض سعر الفايدة على الدولار وده معناه زي ماقلنا زيادة الطلب بشكل كبير على المعدن الأصفر لتعويض خساير البنوك المركزية في العالم من خفض قيمة الدولار في احتياطياتها وغير كده كمان سوق الدهب العالمي بيشهد أصلا حالة كبيرة من الطلب حتى قبل صدور قرار المركزي الأمريكي يعني الطلب هيضاعف في وقت وصل المعروض العالمي من الدهب لأقل مستوياته يعني أزمة من ناحتين طلب كبير ومعروض محدود وطبعا في الحالة دي الاسعار هتولع بره.
وقلنا إن في مصر الاسعار مرتبطة بالسوق العالمي للدهب لان الصاغة عندنا مش منفصلة عن العالم وطالما الدولار اللي بيتحكم في سعر الدهب يبقي الاسعار عندنا هتزيد حسب سعره وحسب الطلب عليه..
طيب ليه اللي هيحصل يوم الخميس الجاي.. شوف ياسيدي لجنة السياسة النقدية بالبنك المركزي هتجتمع لبحث المؤشرات المالية والاقتصادية واللي بناء عليها هتحدد السياسة المالية للشهور الجاية ومنها سعر الفايدة على الايداع والاقتراض في البنوك .. طيب ايه علاقة ده بالدهب؟.. هنقولك.. حضرتك في احتمال مش قليل إن البنك المركزي يخفض سعر الفايدة لأن معدلات التضخم نزلت في يونيو اللي فات يعني المركزي عنده سبب منطقي ينزل سعر الفايدة واللي مرتبطة بالاساس بأرقام ونسب التضخم في الاسواق وفي حالة خفض سعر الفايدة البنوك هتخفض سعر الفايدة على شهادات الادخار وده منطقي واصلا البنوك بتفكر في ده فعلا بسبب التكلفة العالية لشهادات العائد المرتفع وده معناه إن اصحاب الشهادات والناس اللي معاها سيولة ومدخرات هتروح تستثمر في حاجة تانية تجيب لها عايد أو فايدة اكبر وهنا مفيش قدامهم غير الدهب والعقارات ولأن الدهب أفضل واسرع وأضمن من سوق العقارات دلوقتي فاصحاب الأموال هيروحوا يشتروا دهب ويشيلوه للزمن عشان يستفادوا من ارتفاع الاسعار المستمر اللي قلنا عليه من ناحية ومن الناحية التانية الحصول على مكسب أكبر من الاستثمار في شهادات الادخار لو البنوك قررت تخفض سعر الفايدة.
عشان كده لو هستثمر في الدهب يبقي ده هو الوقت المناسب على فكرة لأن الأيام الجاية هتكون صعبة جدا في الصاغة وكل ما تستنى كل ما هتدفع أكتر ومتخافش الدهب مش بيخسر.