ضربة السيسي الجاية.. مفاجآت هتقلب الموازين

 
 
النهاردة هنتكلم كلام مختلف شوية لكن كلام مهم جدا لأنه بيرسم ملامح مرحلة مهمة جدا في تاريخ مصر ومصيرها ونقطة فارقة .. كلام فيه مفاجآت هتقلب الموازين وهتقلق حال المنطقة وهتكشف ليه أهل الشر بيسخنوا الدنيا .. تابعونا لأخر الفيديو.

من ساعات الرئيس الصربي كان في زيارة رسمية لمصر وقال في مؤتمر صحفي عن الرئيس السيسي إنه اتعلم منه حاجات كتير أهمها قيادة بلد كبير بحجم مصر في أصعب الظروف والحروب اللي على حدودها من كل ناحية وفي نفس الوقت قادر يبني بلده ويعمل عاصمة جديدة  ويعمر الساحل الشمالي بمشروعات عالمية ويعمل نهضة موازية في البحر الأحمر وعجلة الاقتصاد والتنمية شغالة.. ده كان رأي رئيس دولة بينها وبينها الاف الكيلو مترات لكن عارف اللي بيحصل في مصر وفي المنطقة في وقت أهل الشر بتسخن الشارع وبتحرض على الفوضي.. الرئيس الصربي اتكلم بالمنطق والمعطيات اللي بتكون قدام اي رئيس عشان يعمل تنمية في دولته والظروف اللي عندنا لو عند اي رئيس تاني كانت الأمور خرجت عن السيطرة ولما رئيس دولة أوربية مايتكسفش لما يقول أنا بتعلم من رئيس تاني يبقي الرئيس التاني ده حالة استثنائية في القيادة والسيطرة والذكاء والاحتراف.

طيب ايه هي مفاجآت السيسي وليه رئيس صربيا قا كده على الرئيس؟
الرئيس الضيف قال كده لأسباب كتير لأن مصر فعلا مرت بشهور عصيبة كانت قادرة توقف اي تنمية في الدولة لكن الرئيس السيسي قاد المعركة بحسابات دقيقة وحمي مصر إنها تنزلق لسيناريوهات كانت بتجر ليها عشان تحصل فيها فوضى اقتصادية كبيرة لصالح أطراف تانية.
مصر في عز ازمة الدولار والغلاء عرفت تمسك الأمور كويس جدا وتدير الأزمة باحترافية ومفيش سلعة نقصت من السوق وقدرت ترجع الأمل في ملف الغاز وقدرت ترفع معدلات التصدير وتوطن الصناعة بشكل حقيقي وتقلل الاستيرات وتستقبل مليارات الدولارت كاستثمارات وهي اللي قدرت تعمل أهم شبكة طرق ومواني ولوجستيات بالمنطقة والعالم وقدرت تقدم نفسها على إنها السوق الاستثماري الأهم في المنطقة وافريقيا.
مصر في عز الأزمة عملت مشروعات التجلي الاعظم
ورأس الحكمة والمتحف المصري الكبير وتلال الفسطاط 
ومسار رحلة العائلة المقدسة وتطور  القاهرة الفاطمية 
والمساجد التاريخية عشان تجذب ملايين السياح كل سنة مصر اللي بنت وبتبني2500 كوبري ونفق ومحور في عز الأزمات وهي اللي عملت موانئ ومطارات وترع ودلتا جديدة وملايين الأفدنة الجديدة ومصر اللي عملت
مشروعات النقل السريع والكهربائي والبضائع وشبكة سكك حديدية جديدة مش موجودة في افريقيا ولا في  بلاد أوربية كتير وقدرت تعمل أكتر من قناة سويس على قضبان في سيناء وغيرها وغيرها الاف المشروعات اللي خلصت واللي لسه هتخلص واللي هيكون تأثيرها إيجابي في الفترة الجاية.
مفاجات السيسي الكبيرة واللي هتقلب المنطقة في الولاية الجديدة هتكون جني ثمار اللي اتعمل كله وتوفير الدولار بأرقام ضخمة وتوطين الصناعات الاستراتيحية والدقيقة والالكترونية وعمل طفرة في التصدير وطفرة في ملف السياحة وتحويل مصر لممر تجاري عالمي بفضل البنية الاساسية الحديثة وجذب استثمارات تانية ضخمة وكل ده بيهدف لتحويل مصر لنمر اقتصادي في المنطقة رغم الظروف الصعبة جدا اللي حولينا وده قرب جدا يتحقق قدامنا لأن جزء كبير منه اتعمل فعلا.