نزول جديد في أسعار السلع.. شوف ايه الحكاية وايه السبب

طبعا كلنا شوفنا اية اللي حصل في اسعار السلع لما مجلس الوزراء ادخل في ازمة الاسعار اللي كانت في مصر ودلوقتي مجلس الوزراء رجع وحط ايده مره تانية في اسعار السلع.. يا تري مجلس الوزراء ناوي علي اية تاني.. واية اللي هيحصل في الاسعار في الفترة اللي جاية

اسعار السلع في مصر كانت في الشهور اللي فاتت واحدة من الغاز اللي كانت كل الناس مش عارفين لها حل خصوصا ان كل تاجر كان بيبع علي مزاجه وبالسعر اللي هو يحدده، خصوصا ان وزارة التموين في الحكومة القديمة كانت رفعت ايده عن موضوع الاسعار ده تماما وسابت التجار تنهش في لحم الشعب، وخلاص كانت الأمور علي وشك وهتوصل لمرحلة صدام مباشر لا محالة.
مع كل اللي كان بيحصل في البلد والاسعار اللي كانت ماشية في طريق اللي يطلع مينزلش، جه القرار المناسب بتوقيع عقود الاستثمار السياحي في راس الحكمة والعوائد المالية الكبيرة واللي وصل لـ34 مليار دولار دخلت جزينة الدولة المصرية بشكل مباشر واللي كانت مفتاح السر في تحويل مصر من بلد بتعاني من عدم الاستقرار الاقتصادي الي بلد بتتحكم بشكل كامل في الاسعار ومعندهاش سوق سودا في التجارة بالعملات ولا عندها ازمة في النقد الأجنبي.
طيب اية اللي عملته الدولة بعد ما حلت ازمة نقص العملات وعدم الاستقرار الاقتصادي؟.
الدولة بعد ما عالجت الازمة الاقتصادية اللي كانت بتعاني منها مصر، وخصلت علي ازمة نقص العملات الأجنية في البنوك المصرية، جه الدور علي التحكم في السلع والأسعار وهنا مجلس الوزراء عمل عاجل مع التجار والمستوردين وطالبهم بنزول حقيقي في الاسعار مش كلام علي ورق، وقالهم انه هيراقب بنفسه معدلات هبوط اسعار السلع وانه هينزل في جولات ميدانية علي الاسواق والمولات علشان يشوف هل فعلا اسعار السلع نزلت ولا وزارة التموين والتجارة الداخلية بتقدم له تقارير مضربة عن نزول مش موجود في الأسعار خصوصا ان الدكتور مصطفي مدبولي احرج وزير التموين والتجارة الداخلية السابق الدكتور علي مصيلحي لما قاله لما بسالك فين النزول في الاسعار اللي اتفقنا عليه انت بتقولي ان معاليك بتنزل مناطق راقية لكن النزول في الاسعار بيكون في المناطق الفقيرة والمتوسطة وبيكون متاح للناس البسطاء.
طيب اية اللي هتعلمه الحكومة تاني علشان تتحكم في الاسعار؟.
مع تشكيل الحكومة الجديدة واختيار وزير جديد بخلفية اقتصادية لإدارة ملف التموين والتجارة الداخلية، الحكومة أول حاجة اتكلمت عليها هيا ملف الاسعار وملف انتهاء العمل بازمة تخفيف الأحمال، والدكتور مصطفي مدبولي رئيس مجلس الوزراء قال ان الرئيس عبدالفتاح السيسي طالب الحكومة بحل مشاكل الناس والنزول للشارع ومعرفة اسعار السلع كام علي الطبيعية ويكون الحل علي الارض مش من خلال التقارير وهنا كان في توجيه مباشر لوزارة التموين بالنزول ومعرفة الاسعار كام، ومتوقع ان الاسعار تنزل بشكل كبير في الايام اللي جاية خصوصا ان الدولة دلوقتي بصدد أنها تعدد صفقات اقتصادية كبيرة هيكون لها تاثير مباشر في توفير ووجود العملات الصعبة للمستثمرين والتجار والمستوردين .