السيولة العالمية تهرب إلى الدهب.. تقرير صادم غن أسعار المعدن الأصفر
![الذهب]( /UploadCache/libfiles/5/6/600x338o/781.jpg)
ياترى الدهب رايح على فين وليه أسعاره بتزيد كل يوم عن التاني وايه اللي هيحصل في الايام الجاية وايه التقرير الدولي اللي صدم السوق ومصير الاسعار في مصر
زي ماقلنا قبل كده في بانكير إن الدهب واخد محني صعودي وكل ماله مابيزيد وده لأسباب كتير سبق وقلناها زي اتجاه البنك الفدرالي الامريكي لخفض الفايدة واستمرار الصراعات الدولية وزيادة الطلب على الدهب من البنوك المركزية لكن فيه أسباب تانية خلت اسعار المعدن النفيس تزيد ولسه هتزيد أكتر وهي هروب السيولة العالمية للاستثمار في صناديق الدهب وبالتالي اسعاره ارتفغت لأرقام قياسية والنهاردة سعر الاونصة عدى الـ2400 دولار .
حسي أخر تقرير دولي عن أوضاع سوق الدهب العالمي كشفت بيانات رسمية حديثة إن الصناديق المتداولة في بورصات الذهب العالمية المدعومة ماديا شهدت تدفقات للشهر التاني على التوالي خلال يونيو اللي فات بسبب الإضافات إلى حيازات الصناديق المدرجة في أوروبا وآسيا.
بيانات مجلس الذهب العالمي كشفت بالارقام إن صناديق الدهب المتداولة شهدت تدفقات بمقدار 17.5 طن دهب، أو 1.4 مليار دولار في يونيو يعني في شهر واحد بعد ارتفاع التدفقات في مايو اللي فات بمقدار 8.2 طن من الدهب، وده بيعتبر أول ارتفاع للتدفقات لشهرين متتاليين منذ تسجيل ارتفاع لثلاثة أشهر متتالية في مارس وأبريل ومايو 2023.
رئيسة قسم الاستثمار في الأصول المتعددة في بنك جولدمان ساكس كشفت إن فيه احتمالية حقيقية بأن المستثمرين سيشهدون خفض أسعار الفايدة في الولايات المتحدة بالنصف التاني من 2024 وده معناه إن فيه فرصة قدام المستثمرين لشراء المزيد من الدهب قبل قرار خفض الفايدة الامريكية وبالتالي تعظيم مكاسبهم لكن في نفس الوقت ده هيزيد اكتر من الطلب على المعدن النفيس وسعره بردا هيزيد.
لكن خبيرة جولد مان ساكس استبعدت لجوء بنك الاحتياط الفيدرالي إلى خفض أسعار الفايدة في سبتمبر اللي جاي لكنها أضافت إن الخفض قد يكون بمقدار 25 نقطة أساس كل ربع سنوي وأنه مع خفض أسعار الفايدة ستستفيد أسواق الدخل الثابت، وأشارت إلى أنها ترى فرصة استثمارية عالية في أسواق السندات مرتفعة العائدات.
ليه اتكلمنا بالارقام والتوقعات والتقارير الدولية عن الدهب.. عشان حضرتك في مصر تعرف السوق رايحة على فين لأن العالم كله بيتأثر ببعضه ومصر أو الصاغة هنا هتتأثر بشكل مباشر بتقلبات اسعار الدهب في الخارج لانه معدن مرتبط بالدولار وبالتالي مع تحويل الدولار للجنيه المصري هتلاقي سعر الجرام ضرب في العالي والأخطر ان وتيرة ارتفاع الاسعار دي هتستمر لغاية أخر 2024 ومكملة في 2025 بمستويات تانية عشان كده الاستثمار في الدهب دلوقتي هو استثمار في مكاسب ضخمة في الشهور الجاية.