أيام الحسم.. مصر تفتح أخطر ملف في الاقتصاد.. خطط الوزير لتحويل مصر لمركز صناعة السيارات في المنطقة.. حدث هام في البنوك.. وليلة كبيرة في جزيرة الوراق

على مدار الايام اللي فاتت مصر عاشت أحداث اقتصادية ومالية مهمة جدا أغلبها أحداث سارة وفيه منها اللي يزعل.. ايه اللي حصل .. تعالوا نعرف مع بعض كل التفاصيل.

الحدث المالي الابرز في الساعات الاخيرة كان عن قرار صندوق النقد الدولي بتأجيل صرف الشريحة التالتة من قرض صندوق النقد الدولي.
والحقيقة صندوق النقد الدولى قرر بدون مقدمات تأجيل صرف شريحة جديدة من برنامج التمويل المقدم لمصر وبعد ما كان المفروض مجلس ادارة الصندوق يصدر قرار النهاردة بالموافقة على صرف 850 مليون دولار لصالح الحكومة المصرية تم تأجيل القرار الى نهاية يوليو.

وبخصوص اللي حصل في الكواليس كشف بانكير إن صندوق النقد الدولى بيراجع كل فترة وبشكل دوري  الرسوم اللي بيفرضها على المقترضين ومن بينهم مصر وده بعد ما أثارت بعض الدول مخاوف من أن التكاليف أصبحت غير معقولة بسبب ارتفاع أسعار الفائدة.
ووفقا للمعلومات المتاحة  تأجيل موعد المراجعة التالتة لبرنامج قرض مصر الموسع مع صندوق النقد سببه تغيير الحكومة وان مفيش فرصة قدام مجلس ادارة الصندوق للمراجعة قبل مرور شهر على الأقل من الاعلان عن التشكيل الوزارى الجديد

وصندوق النقد عاوز يمنح الحكومة الجديدة مهلة لدراسة الملفات خصوصا ان وزراء المجموعة الاقتصادية كلهم اتغيروا بالكامل، وبالتالي هيتم منح بعض الوقت لدراسة الملفات اللى هيتم مناقشتها مع ملاحظة ان  لسه البرلمان هيناقش برنامج الحكومة في 21 يوليو الجاري

من بين الأخبار السارة واللي كانت من نصيب أصحاب المعاشات واللي يظهر إنهم على موعد لزيادة جديدة في المعاشات بموازنة الدولة للعام المالي 2024-2025.
وكشفت مصادر حكومية مطلعة عن مفاجأة سارة لأصحاب المعاشات في مصر، تتمثل في قرار وشيك من الهيئة القومية للتأمينات الاجتماعية يقضي بزيادة كبيرة في معاشات التأمينات الاجتماعية.

ومن المتوقع أن يشهد الحد الأدنى للمعاش زيادة كبيرة ومرضية، تتماشى مع الظروف الاقتصادية الراهنة، وذلك بعد أن تم رفعه مؤخرًا إلى 1300 جنيه.

 

من بين الأخبار السارة كمان كان تقرير لباتمير عن مشروع عالمي في جزيرة الوراق باستثمارات 25 مليار جنيه مرة واحدة واللي هيغير شكل المنطقة وبيهدف المشروع لتحويل جزيرة الوراق والمناطق اللي حوليها لمركز سكني فاخر ومراكز تسوق وفنادق عالمية ومقار للشركات الدولية وغيرها من الأنشطة اللي هتجيب ملايين الدولارات كل شهر  وطبعا الدولة بتعمل دلوقتي قربت تخلص البنية الأساسية للمنطقة كلها عشان الشركات تبدأ العمل في المشروع العالمي واللي هيكون ليه مردود كبير على السياحة بشكل عام وعلى تنشيط سياحة التسوق والترفيه بشكل عام.
متحدث مجلس الوزراء كشف كمان إن الحكومة بتنفذ خطة بتهدف إلى إحداث نقلة نوعية في الجزيرة من خلال إنشاء مجتمع عمراني متكامل يضم مرافق وخدمات شاملة من بينها 94 برج سكني وخدمي ومراكز شباب متطورة ومراكز تعليمية يعني الحكومة بتعمل مشروع حضاري جديد في المنطقة.

وفي خلال الساعات اللي فاتت تم الإعلان عن إنشاء  مشروع عقاري ضخم على النيل بمنطقة طناش بقيمة 500 مليون دولار يعني بنتكلم في 25 مليار جنيه وحصل فعلا  توقيع عقد المشروع بين شركة مصرية وإماراتية.

ملف الصناعة المصرية كان حدث الاسبوع ده مع بشاير تولي كامل الوزير للوزارة وخطط تحويل الصناعة لقاطرة للاقتصاد المصري

واتكلم بانكير تحديدا في ملف الصناعة عن قطاع السيارات واللي كامل الوزير اعلن عن خطة شاملة لتوطين الصناعة المهمة لأن فيه دول اقتصادها بالكامل مبنى على الصناعة دي وعلى صادراتها للعالم ومصر فى الفترة الأخيرة بتحاول يكون ليها مكان فى عالم صناعة السيارات من خلال مشروع قومي الدولة هتتبناه الفترة الجاية ولو نجحت في تنفيذه مصر هتروح فى حتة تانية خالص.
ولفت بانكير إن كامل الوزير وفى أول أيامه فى الوزارة عقد  نائب رئيس مجلس الوزراء للتنمية الصناعية  اجتماع هام جدا لبحث استراتيجية صناعة السيارات ودراسة توطين صناعة السيارات وتعميق التصنيع المحلي.

ولفت التقرير إن الوزير شكل لجنة لبحث المعوقات والمشكلات اللي بتواجه عملية التصنيع وطالب بتركيز الجهود لحلها وتوفير مناخ صناعي مناسب ويحث خطوات تنمية صناعة السيارات والصناعات المغذية ليها.

وللعلم وزارة الصناعة شغالة حاليا وفق استراتيجية واضحة في الملف ده  لزيادة تعميق التصنيع المحلي من خلال توفير حوافزوجذب الشركات العالمية للعمل بالسوق المصري لتلبية احتياجات السوق المحلي والتصدير من خلال الوصول لاقتصاديات الإنتاج الكمي لتكون قادرة على المنافسة في صناعة السيارات.

والجديد في ملف صناعة السيارت إنه بيتم حاليا دراسة مشروع ضخم لإنشاء مجمع صناعي للسيارات بشرق بورسعيد مع أحد الشركات العالمية المتخصصة في الصناعة وهيضم المجمع  3 مصانع ده هيكون من خلال الاستثمارات أجنبية لتشجيع شركات تصنيع السيارات على الاستثمار في خطوط الانتاج والتجميع والعمل على تعميق الصناعة في مكونات وإجراء تصنيع السيارات والعمل على تعميق صناعة المكونات أفقيا ورأسيا.

أخر تقرير معانا بيتكلم عن اجراءات عدد من البنوك في الفترة الأخيرة بعد لجوء بعض البنوك المصرية لرفع تعريفة الرسوم الإدارية على بعض خدماتها المصرفية المقدمة لعملائها وأبرزها الحسابات البنكية بأنواعها المختلفة بزيادات ربع سنوية تراوحت بين 20 و30 جنيه.

والبنك الأهلي المصري قرر زيادة المصاريف الإدارية إلى 50 جنيه كل 3 شهور للناس اللى عندهم حساب جاري أو توفير بدل من 30 جنيه عن نفس المدة.
وعن اسباب رفع البنوك لرسوم ومصاريف الخدمات والحسابات قال بانكير إن رفع رسوم وعمولات بعض الخدمات المصرفية إجراء متوقع ومنطقي في ظل ارتفاع تكلفة التشغيل والأجور والخدمات بسبب التغيرات الكبيرة اللى حصلت سواء فى سعر الصرف او حتى فى اسعار كتير من المواد اللى بتستخدم فى البنوك ..