مفاجأة في الأسعار.. إيه اللي هيحصل في الكهرباء بعد انتهاء ازمة تخفيف الأحمال

 
كل الناس حاليا بتسال اية اللي هيحصل في موضوع الكهرباء بعد انتهاء ازمة تخفيف الأحمال، هل هيكون في قطع الكهرباء في الشهور اللي جاية ولا الاسعار هتزيد ولا هيحصل اية بالضبط.. لو عايز تعرف اية اللي بيدور في الحكومة في موضوع الكهرباء شوف الفيديو ده للاخر.

خلاص ايام قليلة جدا وتنتهي ازمة تخفيف الأحمال في مصر ومش هيكون عندنا قطع كهرباء تاني خالص علي مدار شهور الصيف كلها، ومش هنقعد في الحر تاني والنور قاطع ولا هنقفل التكييف ولا المرحة بسبب قطع الكهرباء، وهتنتهي اكبر ازمة المصريين عاشو فيها علي مدار شهور طويلة .
طيب امتي الكلام ده هينتهي وامتي اخر موعد للعمل بالخطة الجديدة وانتظام التيار ؟.
مجلس الوزراء اعلن وبشكل رسمي انتهاء خطة تخفيف الاحمال بشكل نهائي في الاسبوع التالت من شهر يوليو الحالي وبمعني ادق يوم 21 يوليو، ومن اليوم ده مش هيكون عندنا قطع كهرباء تاني بسبب تخفيف الاحمال ولو حصل قطع للكهرباء هيقطع القطع الاعتيادي بسبب الصيانة واو عطل او اي حاجة عادية بخلاف تخفيف الاحمال ومدة القطع بتكون دقائق معدودة وبترجع الدنيا لحالتها الطبيعية.
طيب اية اللي هيحصل بعد كده؟.
بعد ما الدولة تنتهي من أزمة تخفيف الاحمال، هيكون في شغل جامد جدا من الوزارة وشرطة الكهرباء لمواجهة ظاهرة سرقة التيار خصوصا اننا عندنا نسبة كبيرة في الفقد علي الشبكة القومية للكهرباء واللي بتوصل لـ60% في بعض الشركات زي شركة جنوب القاهرة والظاهرة دي كانت السبب في اقالة رئيس الشركة السابق وتعيين رئيس جديد للشركة.
وعلشان نكون عارفين ان الدولة كانت المفروض ترفع اسعار شرائح الكهرباء في شهر يوليو الحالي لكن أزمة تخفيف الاحمال وحالة الغضب الشعبي اللي كانت موجود بسبب قطع الكهرباء اضطرت الحكومة أنها تأجل القرار ده شوية، وبالتالي قريب قوي هيكون في تحرك لاسعار شرائح الكهرباء للقطاعين التجاري والمنزلي، خصوصا ان الدولة بتدفع ارقام كبيرة جدا في دعم الكهرباء والطاقة بشكل عام، وبعد ما الحكومة تنتظم هيكون في تحريك قريب قوي في اسعار الشرائح.
طيب التحرك في الاسعار ده هيوصل لكام؟.
علشان نفهم الدنيا، الشركة القابضة لكهرباء مصر كانت اعدت خطة التسعير الجديدة لاسعار شرائح الكهرباء ورفعتها لمجلس الورزاء لاعتمادها بشكل رسمي، والخطة دي كانت مبنية علي زيادة اسعار الكهرباء للقطاع المنزلي بنسبة 35% وزيادة اسعار الشرائح للقطاع التجاري بنسبة 40%، لكن مجلس الوزراء قرر تاجيل القرار ده بسبب قطع الكهرباء خصوصا ان الدولة شافت ازاي انا هطلع اقول للناس انا هرفع اسعار الكهرباء وهيا اصلا مش موجودة، وعلشان كده الدولة خذت قرار بتاجيل اعتماد الزيادة لحين انتهاء ازمة تخفيف الاحمال وخلاص الدولة انتهت من الازمة يبقي فاضل اعتماد زيادة اسعار الشرائح للقطاعين المنزلي والتجاري .