نيويورك الوراق .. إيه اللي بيحصل في طناش المصرية

 
دي هتبقي نيويورك ياعمنا وشغل عالي وعالمي وبكرة تشوف.. ايه بيحصل في جزيرة الوراق والمنطقة اللي حواليها وازاي المنطقة هتبقي اجمل مناطق العالم وايه المشاريع اللي هتعمل فيها.. تعالوا نشوف التفاصيل في الفيديو ده خليكم معانا .

 
من فترة اعتمدت حكومة مدبولي الأولي خطة طموحة لاستغلال المناطق المميزة والمهملة بشكل أفضل وتعظيم موارد الدولة ضمن خطة استغلال الأصول في وثيقة الدولة والتنمية المستدامة ومن بين الخطط دي كانت مشروعات تطوير جزيرة الوراق والمنطقة اللي حواليها كلها وتحويلها لمركز سكني فاخر ومراكز تسوق وفنادق عالمية ومقار للشركات الدولية وغيرها من الأنشطة اللي هتجيب ملايين الدولارات كل شهر  وطبعا الدولة بتعمل دلوقتي قربت تخلص البنية الأساسية للمنطقة كلها عشان الشركات تبدأ العمل في المشروع العالمي واللي هيكون ليه مردود كبير على السياحة بشكل عام وعلى تنشيط سياحة التسوق والترفيه بشكل عام.
طيب ايه اللي بيحصل في جزيرة الوراق ؟
السؤال ده جاوب عليه متحدث مجلس الوزراء واللي قال إن الحكومة بتنفيذ خطة بتهدف إلى إحداث نقلة نوعية في الجزيرة من خلال إنشاء مجتمع عمراني متكامل يضم مرافق وخدمات شاملة من بينها 94 برج سكني وخدمي ومراكز شباب متطورة ومراكز تعليمية يعني الحكومة بتعمل مشروع حضاري جديد في المنطقة.

واخر المشروعات بمنطقة جزيرة الوراق وهو اللي تم الإعلان عنه في الساعات الأخيرة خاص بإنشاء  مشروع عقاري ضخم على النيل بمنطقة طناش بقيمة 500 مليون دولار يعني بنتكلم في 25 مليار جنيه وحصل فعلا  توقيع عقد شراكة استراتيجية في واحد من أكبر مشروعات التطوير العقاري في مصر بين شركة KSH للاستثمار التابعة للدائرة الخاصة للشيخ محمد بن خالد آل نهيان وشركة SKG القابضة المصرية اللي بيملكها رجل الأعمال المصري صفوت القليوبي.

حسب المعلومات اللي اتقالت الشراكة بين الجانب المصري والإماراتي هدفها تعزيز التعاون بين البلدين في قطاع العقارات لتأسيس مشروع في منطقة طناش بالقاهرة المطلة على جزيرة الوراق على مساحة 20 ألف متر مربع وإن تكلفة استثمارات المشروع 24 مليار جنيه مصري (بما يعادل 500 مليون دولار)، ويشمل إنشاء 3 أبراج سكنية وتجارية شاهقة الارتفاع وفندق خمس نجوم، ومن المتوقع الانتهاء من تنفيذ المشروع خلال 4 سنين.... مش كده وبس كمان الشركة الإماراتية اعلنت عن مفاجآت تانية منها أنها هتنفذ عدد كبير تاني من المشروعات في القاهرة ومدينة الشيخ زايد ومنطقة الساحل الشمالي وغيرها من المناطق وان مشروع طناش ده مجرد بداية وجزء من اتفاق شراكة استراتيجية بين الكيانين الاقتصاديين لتطوير الأعمال في مصر .
ليه الامارات تحديدا بترفع سقف الاستثمارات في مصر ؟
الحقيقة لأسباب كتير منها العلاقات التاريخية والمميزة بين مصر والإمارات واللي اترسخت من أيام الشبح الراحل زايد بن نهيان مؤسس الامارات الحديثة وتاني سبب الاستثمار مفيهوش مجاملات والسوق المصري حسب معايير الاستثمار العالمي سوق واعد ومربح وجذاب لاي مستثمر وخاصة بعد مصر ما عملت احدث بنية أساسية في المنطقة وعلى مستوى العالم من طرق ومحاور وموانئ ومطارات وبنية معلوماتية وغيرها ده غير إن السوق المصري مميز بموقعه الجغرافي وقربه من كل قارات العالم وخطوط التجارة الدولية.