مصر هتروح في حتة تانية .. تفاصيل مشروع العمر اللي هيخلصنا من أزمة الدولار
![الدولار]( /UploadCache/libfiles/5/6/600x338o/652.jpg)
يا ترى ايه المشروع الضخم اللى الدولة شغالة عليه وممكن يعمل نقلة نوعية؟ وازاي ممكن نستفيد من تجربة المغرب في واحد من أهم الملفات ؟ وايه اللى ناقص مصر عشان تكون رقم مهم فى صناعة بتحظى بمعدلات نمو غير مسبوقة؟
صناعة السيارات واحدة من أهم الصناعات فى العالم حاليا وفيه دول اقتصادها بالكامل مبنى على الصناعة دي وعلى صادراتها للعالم ومصر فى الفترة الأخيرة بتحاول يكون ليها مكان فى عالم صناعة السيارات من خلال مشروع قومي الدولة هتتبناه الفترة الجاية ولو نجحت في تنفيذه مصر هتروح فى حتة تانية خالص.. وكفاية تعرف ان دولة زي المغرب الشقيقة بتصنع سنويا ما يقرب من مليون سيارة وبتصدر انتاجها لكل دول العالم تقريبا ده غير الصناعات المكملة ومصانع قطع الغيار وغيرها من الصناعات المرتبطة بالمجال
طب ايه اللى هيحصل فى الملف ده ومصر ناوية على ايه؟
املف ده بالكامل حاليا مكلف بيه وزير النقل ونائب رئيس الوزراء كامل الوزير اللى بيتولى الى جانب مهامه ملف الصناعة .. وفى أول أيامه فى الوزارة عقد نائب رئيس مجلس الوزراء للتنمية الصناعية اجتماع هام جدا لبحث استراتيجية صناعة السيارات ودراسة توطين صناعة السيارات وتعميق التصنيع المحلي.
وشكل الوزير لجنة لبحث المعوقات والمشكلات اللي بتواجه عملية التصنيع وطالب بتركيز الجهود لحلها وتوفير مناخ صناعي مناسب ويحث خطوات تنمية صناعة السيارات والصناعات المغذية ليها.
ووزارة الصناعة لوزارة شغالة حاليا وفق استراتيجية واضحة في الملف ده لزيادة تعميق التصنيع المحلي من خلال توفير حوافزوجذب الشركات العالمية للعمل بالسوق المصري لتلبية احتياجات السوق المحلي والتصدير من خلال الوصول لاقتصاديات الإنتاج الكمي لتكون قادرة على المنافسة في صناعة السيارات.
وهيتم الاستعانة بدراسة الجدوى اللي أعدها بنك التنمية وإعادة الاعمار الأوربي لإقامة مجمع صناعي في مصر.. وأكدت الدراسة أن معدل العائد على الاستثمار للتصنيع لاقامة المجمع تصل إلى 17% من الاستثمارات بالدولار .. وقالت ان مصر بتمتلك كافة الإمكانات والمقومات اللي بتؤهلها لإقامة صناعة سيارات حقيقية بدلا من الاكتفاء بالتجميع.
وايه الخطوات العملية اللى هتتاخد ؟
حاليا بيتم دراسة مشروع ضخم لإنشاء مجمع صناعي للسيارات بشرق بورسعيد مع أحد الشركات العالمية المتخصصة في الصناعة وهيضم المجمع عدد 3 مصانع واحد للبدن ومصنع للدهان ومصنع للتجميع لتصنيع عدة أنواع وطرازات من السيارات والجانب الاكبر من المشروع ده هيكون من خلال الاستثمارات أجنبية لتشجيع شركات تصنيع السيارات على الاستثمار في خطوط الانتاج والتجميع والعمل على تعميق الصناعة في مكونات وإجراء تصنيع السيارات والعمل على تعميق صناعة المكونات أفقيا ورأسيا.
والدولة فى الفترة الأخيرة بتوفر كل أوجه الدعم لشركات السيارات العالمية للإنتاج والتوسع في السوق المصري بشكل يساهم في ضخ إستثمارات حقيقية وتوطين الصناعة وتوفير المزيد من فرص العمل المباشرة وغيرالمباشرة قدام الشباب .