مفاجأة سارة في سارة في سوق السيارات.. حضر فلوسك

 
 
أخيرا الحال اتعدل في سوق السيارات والكل هيقدر يشتري زيرو ومستعمل .. إيه اللي حصل في الساعات الأخيرة وايه المفاجأة اللي كشفت عنها شعبة السيارات.. شوف الفيديو ده وهتعرف التفاصيل..
 

 
سوق السيارات مر بأزمة عابرة على مدار الأيام اللي فاتت بسبب أزمة احتجاز السيارات في المواني ورفض الجمارك الإفراج عنها بعد ما اكتشفت وجود تلاعب في إجراءات الاستيراد من الخارج وقررت تراجع سلامة الإجراءات دي قبل ما تبدأ تفرج عن السيارات وده اكتسبت بمشكلة كبيرة في السوق وحصل زي تعطيش غير متعمد وده كانت نتيجته ارتفاع أسعار السيارات الفترة الي فاتت وعودة الأوفربرايس على بعض الماركات بسبب قلة المعروض وزيادة الطلب على الشراء.
وبعد مفاوضات سريعة قررت مصلحة الجمارك الإفراج عن السيارات المحتجزة بعد سن قوانين وإجراءات جديدة لمنع تكرار التلاعب في الاستيراد خاصه سيارات ذوي الاحتياجات الخاصة وسدت الجمارك كل الثغرات في الإجراءات وكل الاستيراد إللي جاي هيخضع لقواعد جديدة وصارمة وده مش عيب لأن الدولة لازم في النهاية تاخد حقها.
طيب ايه اللي حصل في الساعات الأخيرة ؟
شوف ياسيدي مع انتظام عمليات الإفراج عن السيارات المحتجزة والتعاقد على شحنات جديدة سادت حالة كبيرة من التفاؤل وميزان السوق بدأ يتعدل وبدأت الأسعار تتراجع بشكل كبير جدا وده اللي قاله علاء السبع، عضو شعبة السيارات باتحاد الغرف التجارية، واللي أكد إن تراجع أسعار السيارات في السوق المصرية حدث خلال الفترة الماضية مع تحديد سعر عادل للجنيه المصري أمام الدولار في البنوك وإن أسعار السيارات في السوق المصرية حاليا بتشهد استقرار كبير، مع حدوث انخفاض كبير في أحد الأنواع وفق وكيلها الحصري في مصر.

المسؤول قال كمان أن الشعبة تتوقع ثبات في أسعار السيارات خلال الفترة الجاية  وده غير اللي أعلنته إحدى شركات السيارات عن خفض كبير في أسعار السيارات وصل لـ250 ألف جنيه بسبب احتفال الشركة بمرور 125 سنة على إنشاءها وشهدت فيه هبوط أسعار عدد من السيارات التابعة لماركة أوبل وفق الوكيل الحصري لها في مصر.
وفيه حاجة كمان هتاثر بشكل مباشر على أسعار السيارات في الفترة الجاية وهي إنه في حال هبوط سعر الدولار في البنوك فده هيكون سبب رئيسي في هبوط سعر السيارات في الأسواق ومع  توافر الدولار في الجهاز المصرفي المصري وإمكانية تداوله بحرية بين التجار بيساهم بشكل كبير في توافر المنتج، وبالتالي خفض السعر على المستهلك.
الخلاصة إن فيه انفراجة كبيرة في سوق السيارات الزيرو حالياً والأنفراجة دي بتزيد مع استمرار تدفق السيارات من الخارج وبالتالي هيحصل وفرة في المعروض والاسعار هتنزل اكتر ونصيحة للي بيفكر يشتري إنه يستنى شوية لغاية ما الأسعار تنزل اكتر وبعدها يقدر يشتري.