ملوك الدهب.. إيه اللي بيحصل في البنك المركزي
![البنك المركزي المصري]( /UploadCache/libfiles/5/6/600x338o/616.jpg)
ايه اللي بيحصل في غرف ومخازن البنك المركزي المصري.. وايه الكنز اللي مصر شايلاه للزمن وفين مكانه.. تعالو نشوف ايه الحكاية في التقرير التالي.
البنك المركزي زي ماشفنا على مدار شهور طويلة دخل في مواجهة مباشرة مع أطراف كبيرة في مقدمتها تجار العملة والمضاربين وحيتان تهريب العملة والدهب ودخل في تحدي مع أهل الشر واللي راهن على افلاس مصر وقدر إنه يسيطر على زمام الدولار ومايخلهوش يخرج لحدود الكارثة الاقتصادية واثبت المركزي إنه فيه قيادات ومصرفيين على مستوى عالمي من الاحترافية ودا انعكس ف النهاية على قوة سوق الصرف .
ومن بين الانجازات اللي تتحسب لرجال حسن عبد الله محافظ المركزي إنه قدر يوفر احتياطي نقدي قياسي للبلد في وقت وذروة الازمة كعامل أمان ضد اي هزات مالية في السوق وفي نفس الوقت تغطية احتياجات السلع الاساسية للمواطنين والبلد بحالها ودي كانت معجزة حقيقية.
في اخر كام ساعة أعلن البنك المركزي عن قفزة جديدة في الاحتياطي بأكتر من ربع مليار دولار في يونيو وباجما مليار دولى 46 مليار و384 مليون دولار وهو الأعلى تاريخيا في خلال سلسلة زمنية من عشرين سنة وتحديدا من 2004 واللي سجل فيه الاحتياطي اعلى رقم.
من بين الاحتياطي النقدي الاجنبي في البنك المركزي بيدخل الدهب في المكون الرئسي ليه وفي الساعات الاخيرة كشف المركزي عت ارقان وحجم ارصدة الدهب المدرج في الاحتياطي واللي سجلت 9.485 مليار دولار بنهاية يونيو 2024.. طيب دا معناه إيه.. أكيد معناه إن مصر بتنوع الاحتياطي بتاعها من بين دهب وعملات عشان تستفيد من صعود أي مكون من مكونات الاحتياطي النقدي يعني كل ما سعر الدهب العالمي يزيد قيمة الاحتياطي المصري من الدهب ما بيتزيد وهكذا ومصر قدرت تعمل احتياطي كبير من الدهب من بين كل دول افريقيا والشرق الاوسط ومصر احتلت المركز التالت عالميا فى نمو احتياطى الدهب خلال 2022 حسب مجلس الذهب العالمى وده لو فاكرين بعد ما اشترى المركزي 44.6 طن على مدار نفس العام..
طيب المركزي مخبي الدهب فين؟ بص لو حد قالك إنه يعرف مكان الدهب فين متصدقهوش لأن ده بيكون من اسرار الامن القومي للدول وبيكون مخفوظ في اماكن سرية لاتخطر على بال أحد ومحصنة بأشد أنواع التحصين ومحدش يعرف غرف الدهب فين ولا المركزي مخبي كنزه فين لكن أكيد هو في مكان أمين ومش ممكن توصله أي إيد.