الفايدة بتوصل 30% والصرف يومي .. تفاصيل حسابات التوفير بـ7 بنوك

كتير مننا بنسمع عن حسابات التوفير في البنوك وقبل كده كان فيه ناس كتير بتفتكر إن حسابات التوفير دي موجودة بس في فروع البريد.. هنعرف مع حضراتكم ايه هي حسابات التوفير وايه الميزة اللي فيها في أكتر من بنك .. لو مهتم تابع هذا التقرير.

حسابات التوفير بتتميز عن بقية الحسابات البنكية بمجموعة من الفوايد اللي بتخليها واحدة من افضل  الخدمات المصرفية داخل البنوك العاملة في السوق المصرية.. طيب ايه هي حسابات التوفير في البنوك. هي زي أي حسابات تانية لكن بتتميز بصرف فايدة او عائد كبير للعميل وهو حساب طويل الأجل، ويتم احتساب فائدة على الأموال المودعة به بداية الشهر التالى لإيداع النقود، وهو حساب ذو عائد شهرى أو ربع سنوى أو نصف سنوى أو سنوى، ويساهم فى تلبية احتياجات الأسر المستقبلية من الأموال بما يدره من عائد.
ومثلا في  بنك القاهرة فيه عندهم حساب توفير اسمه حساب «ميجا توفير» واللي بيوفر عائد سنوي بيوصل إلى 16% على الأرصدة من 50 ألف جنيه حتى أقل من مليون جنيه. وميزته انه بيزيد بشكل تدريجي ليوصل  إلى 25% على الأرصدة اللي بتتجاوز 20 مليون جنيه.

أما في بنك مصر فعائد حساب التوفير بيكون بعائد9% سنويًا ويصرف وفقًا للشروط المحددة ... وفي  البنك الزراعي المصري هنلاقي حساب التوفير الإسلامي واللي بيصرف العائد كل ثلاثة أشهر على أن يتم احتساب العائد في نهاية السنة .. والحد الأدنى لفتح الحساب 100 جنيه مصري.

من البنك الزراعي هنروح للبنك العربي الأفريقي الدولي واللي بيقدم حساب «إي جولدن»، وبعائد سنوي يصل إلى 30% وبحد أدنى لفتح الحساب يبلغ 500 ألف جنيه.
وفي بنك saib فهتلاقي حساب توفير اسمه «سيطرة بلس»  وبعائد يتراوح بين 23% سنويًا للشرائح من 15 ألف جنيه إلى مليون جنيه وبيوصل لـ 30% سنويًا للشرائح اللي بتزيد عن 50 مليون جنيه.

وبخصوص حساب التوفير في  بنك QNB الأهلي فتسأل عن حساب «توفير بلس»  واللي بيوفر عائد يتراوح بين 5% سنويًا للأرصدة من 5 آلاف جنيه إلى أقل من 100 ألف جنيه وبيوصل لـ 19% سنويًا للأرصدة من 20 مليون جنيه وإن طالع.. وأخيرا بنوصل لحساب توفير 
بنك التعمير والإسكان واللي بيوفر عائد يصل إلى 9% حسب المبلغ وبيوصل الحد الأدنى لفتح الحساب 50 ألف جنيه وكمان بيصرف العائد يوميا عل الحساب.