ذهب ولا شهادات الادخار... أفضل طريقة تستثمر بيها فلوسك دلوقتي
![الذهب]( /UploadCache/libfiles/5/6/600x338o/572.jpg)
بعد اللي بيحصل في سوق الدهب وقرب اجتماع لجنة السياسة النقدية في البنك المركزي إيه أفضل طريقة للاستثمار دلوقتي وإيه ميزة الاستمثار في الدهب وشهادات الادخار تحديدا .. هنعرف كل التفاصيل مع حضراتكم في الفديو ده.
طبعا زي ما احنا عارفين فيه أكتر من طريقة نستثمر بيها المدخرات أو السيولة الزيادة اللي معانا منها الاستمثار في الدهب أو شهادات البنوك وفيه ناس بتفضل تشتري عقار للزمن وفيه اللي بيعمل مشروع وياخد من وراه عائد وفيه اللي محترف استثمار في البورصة ودي كلها طرق استثمار ناجحة ومضمونة والغرض من اي استثمار هو المكسب وفي نفس الوقت الحفاظ على قيمة الفلوس من الهبوط لأي سبب .. لكن يفضل السؤال ايه أفضل نشاط ممكن تستثمر فيه فلوسك دلوقتي..
لو سألتني هقولك لحضرتك حضر فلوسك واجري على الصاغة واشتري دهب وشيله هتقولي ليه.. هقول لحضرتك عشان المكسب في الدهب هيوصل الضعف تقريبا في خلال سنة واحدة حسب كل التوقعات ومنحني الاسعار اللي بيزيد والدهب هيوصل لمستويات قياسية زي ماقلنا لأن كل التوقعات العالمية بتقول إن الاسعار هتستمر في الزيادة لاسباب كتير سبق وشرحناها قبل كده زي ارتفاع الطلب على الدهب من البنوك المركزية مع اتجاه البنك الفدرالي الامريكي من خفض سعر الفايدة على الدولار ومع الازمات الدولية المستمرة اللي بترفع اسعار المعدن الاصفر .
سعر الدهب في مصر هيضاعف عشان كده بنقولك ده افضب استثمار دلوقتي وجرام 21 اللي عامل دلوقتي 3250 جنيه هيعمل أكتر من 5 الاف جنيه بعد كام شهر وممكن يوصل 6 آلاف جنيه كمان يعني بينتكلم في استثمار مربخ وآمن ومن غير تكلفة ولا مشاوير وعشان كده الدهب هو الملاذ الافضل في الاستتثمار حتي على مستوى الدول والبنوك المركزية.
تاني حاجة ممكن تستثمر فيها فلوسك ومدخراتك عشان تكسب هي شهادات الادخار ذات العائد المرتفع واللي بيوصل 30 و27% ودي الشهادات اللي طرحها بنك مصر والبنك الاهلي من فترة ولسه عليها اقبال كبير وتقريبا ده استثمار سحري يعني لو حطيت 30 الف جنيه في شهادة 27% هتاكل حوالي 8100 جنيه في اخر المدة ورغم إنه كان فيه كلام عن وقف أوخفض الفايدة على الشهادات دي لكن يحيى أبو الفتوح، نائب رئيس البنك الأهلي المصري حسم الموضوع وأكد استمرار شهادات الادخار ذات العائد المرتفع 30% و 27% وقال إن لسه فيه اقبال كبير من العملاء على الشهادات بسبب الفايدة الكبيرة واللي فرقت كتير مع اصحاب الشهادات.
يعني الاستثمار في الدهب أفضل وفي شهادات الادخار اضمن والاتنين هتحقق منهم مكاسب كويسة أهم حاجة تشغل فلوسك ومتسبهاش كده.