الوزير مابيرحمش.. شوف التموين هتتحكم إزاي في ملف الأسعار
![شريف فاروق]( /UploadCache/libfiles/5/6/600x338o/571.jpg)
التموين واحدة من اهم الوزارات اللي عليها العين بشكل الفترة الرئاسية الجديدة خصوصا بعد الفشل الكبير اللي حصل في الفترة اللي فاتت وفشل الوزارة في السيطرة علي ملف الاسعار، يا تري اية هيا سياسة الوزير في الفترة الجديدة وازاي هيتحكموا في الاسعار
طبعا كلنا كنا شايفين وعارفين اية اللي حصل في ملف الاسعار الفترة اللي فاتت، والمعاناة اللي عاشها المصريين بسبب الاسعار خصوصا بعد الجشع الكبير اللي وصل له التجار والتحكم الرهيب اللي كانوا وصلوا له، خصوصا بعد ما الحكومة حطت الشعب والتجار قصاد بعض ووقفت تتفرج وتشوف مين اللي هيكسب في النهاية وطبعا النتيجة كانت معروفة وهيا زيادة تحكم التجار وزيادة معاناة الشعب ومعاناته من نقص السلع خصوصا في السكر والزيت واغلب السلع اللي كل بيت محتاجها بشكل يومي.
التغيير الوزاري الجديد واللي تك اجراءه من كام يوم تم خلال اختيار شريف فاروق رجل الاقتصاد لتولي ملف التموين والتجارة الداخلية علشان خبرته الكبيرة في ادارة ملف الاسعار والتحكم في الاسواق واللي الوزارة فشلت في السيطرة عليها، واول اختبار لوزير التموين والتجارة الداخلية وهو توفير السلع التموينية للمواطنين لشهر يوليو.
الدكتور شريف فاروق، وزير التموين والتجارة الداخلية قال إن اجتماع له مع رئيس الوزراء ركز على أهمية ضبط الأسعار، وتقديم خدمات مبتكرة للمواطنين خل في الفترة اللي جاية، واكد كمان أن الوزارة بتدرس آليات توافر السلع في الأسواق وضبط أسعارها، وقال ان الوزارة ممكن تقوم بفرض التسعيرة الجبرية على بعض السلع الأساسية.
وزير التموين والتجارة الداخلية قال كمان ان في جهود الحكومة بتبذلها لضمان توافر السلع وتحقيق الاستقرار في الأسعار ومراقبة تحركات السوق بشكل دقيق، وان رئيس الوزراء كلف بالتنسيق مع آلية الحوار الوطني في ملف الدعم،والتنسيق بشكل كامل مع الوزارات والجهات المعنية بملف الدعم، لوصول الدعم لمستحقيه واللي له أولوية كبيرة للوزارة، وان المواطن هيشعر قريب قوي بتحسن في الأسعار.٠
وزير التموين قال كمان أن الناس بتتكلم إنها عايزة تاخد رغيف خبز كويس بعد زيادة سعره وده حق للمواطن، وان الوزارة مستمرة في مراقبة تشغيل الافران لضمان حصول المواطن على رغيف خبز جيد، وطالب كمان بتحديث بيانات مستحقي الدعم بصفة دورية وهنكمل اللي بداته وزارة التموين والتجارة الداخلية في عهد الدكتور علي المصيلحي .
فاروق قال كمان أن اول تكليفات الرئيس السيسي هي السيطرة على الأسعار والعمل على ضبطها وتوفير السلع الغذائية ووصول الدعم لمستحقيه، وانه هيتم العمل على إعادة هيكلة الوزارة من الداخل، وان الوزارة قدمت الشكر لكل من تخطى السن وخدم الدولة لفترات طويلة، والنهاردة جه الوقت لإفساح المجال للشباب والمتخصصين لأدارة الملفات الخدمية واللي بتخص كل فئات الشعب المصري خصوصا فيما يتعلق بملف الاسعار وانتاج رغيف الخبز.