من غير ضامن ولا مقدم.. اشتري عربيتك الزيرو وقسط على 8 سنين
![قرض السيارة]( /UploadCache/libfiles/5/6/600x338o/548.jpg)
بتفكر تشتري سيارة لكن الاسعار زادت من تاني ومش معاك المبلغ كله متشيلش هم وفر فوسك كلها وهات عربيتك من البنك وقسط براحتك على 8 سنين وكمان من غير مقدم ولاتجيب حد يضمنك.. في الفدييو ده هتعرف التفاصيل.
بنوم كتير بتقدم ضمن خدماتها التمويلية قروض سيارات جديدة أو مستعملة والحقيقة بنوك كتير كمان بتتنافس عشان تقدم أفضل تمويل للسيارة سواء من حيث قيمة القرض وطول فترة السداد والفايدة ومن بين البنوك دي بنك الإسكندرية واللي بيطرح برامج متنوعة للتمويل من بينها زي ما قلنا قرض السيارة بضمان الوظيفة، وبدون مقدم وكمان تقسيط على مدار 8 سنين كاملة.
وبحسب جدول برامج التمويل من بنك الإسكندرية لشهر يونيو الجاري، وده منشور على الموقع الرسمي للبنك تقدر دلوقتي تاخد قرض سيارة وبدون دفعة مقدمة أو خصم من قيمة التمويل وبسعر عائد أو فايدة تنافسي، بالإضافة إلى وثيقة تأمين على الحياة.
وبخصوص تفاصيل قرض السيارة من بنك الإسكندرية فهو متاح للأفراد العاملين في الشركات العاملة في مصر والراغبين في شراء سيارة جديدة أو مستعملة وبتوصل مدة التمويل للسيارة إلى 8 سنين زي ماقلنا، وبالنسبة لقيمة التمويل فبتوصل إلى 2 مليون جنيه، حسب فئة العميل والشريحة، والتمويل يصل إلى 100% من قيمة السيارة يعني مش هتدفع ولا مليم في عربيتك الزيرو.
وبالنسبة لشروط الحصول على قرض السيارة من بنك الإسكندرية، فيجب أن يكون عمر العميل من 21 إلى 65 سنة، والحد الأدنى لمدة العمل بالشركة 3 أشهر.
والبنك هيحتاح بعض المستندات وهي صورة من بطاقة الرقم القومي سارية وخطاب مفردات مرتب وفاتورة مرافق حديثة، سواء غاز أو كهرباء أو تليفون، وألا يتعدى تاريخها 3 أشهر، وعرض سعر ساري للسيارة من التاجر أو معرض السيارات.
وبعد ما تجهز ورقك كله هتقدمه في أقرب فرع ليك لبنك الاسكندرية وهناك هتوقع على الأوراق وتروح تستلم مفتاح عربيتك بس خلي بالك قبل ماتروح البنك لازم تكون عارف إنك بمجرد ما هتصرف القرض أو يتحول لتاجر العربيات إنه بقي دين في رقبتك بالفايدة بتاعته ومش هينفع تتعثر في السداد أو تأخر وتراكم الاقساط على بعضها لأن هنا البنك هيتحرك وياخد ضد اجراء قانوني دا غير طبعا غرامات التأخير اللي بيضيفها البنك وهي بتساوي الخسارة اللي بيخسرها من تأخير القسط بتاعك لأن كل الفلوس اللي في البنوك بتشتغل على مدار الساعة لأنها فلوس ومدخرات وودايع ناس تانية والبنك بيصرف قصادها فوايد لاصحابها وبيشغلها في اكتر من مجال عشان تجيب فلوس ومنها القروض والتمويلات واي تأخير في دفع القسط بالفايدة طبعا البنك بيخسر وبحملك انت في النهاية الخسارة دي بغرامات تأخير.